Biełaruski handbalist pra hulniu ŭ Finlandyi: Z 7:00 da 11—12:00 pracuju. Sartujem papieru abo ramantujem paddony

Biełaruski handbalist, što vystupaje za «Ryichimiaki», Alaksandr Citoŭ raskazaŭ pra svajo žyćcio ŭ Finlandyi.

— Kali pierajazdžali ŭ Finlandyju, punkt u kantrakcie, zhodna ź jakim vy pavinny paralelna pracavać, nie biantežyŭ?

— Nie nadta. Ja ž spačatku padrychtavaŭ hlebu, parazmaŭlaŭ z chłopcami. Viedaŭ, kudy jedu i čaho ad mianie chočuć.

Tak, ja pracuju. I nie saromiejusia hetaha. Siamja zabiaśpiečana, usie zadavolenyja. Ničoha haniebnaha niama.

Pryznajusia, vielmi ciažka. Dzień raśpisany tak, što praktyčna niama volnaha času. Ustaju a šostaj ranicy. Ź siomaj da adzinaccataj-dvanaccataj praca. Prychodžu dadomu, abiedaju, časam mahu hadzinu paspać. Potym inšyja spravy. U našym paŭprafiesijnym kłubie, jak kažuć, jość psichołah, nastaŭnik anhlijskaj… Zatym hladzim videanarezku. Uviečary — treniroŭka. Paśla jaje — basiejn, kačałka. Kožnyja vychodnyja — matčy. Burnaje žyćcio. Sumavać nie prychodzicca.

U siarednim pracujem try dni na tydzień. Ale hrafik płavaje, nie jak na zavodach. Zaŭsiody možna damovicca. Spatrebiłasia paru dzion adpačynku — tabie iduć na sastupki. Hetak ža i nas mohuć paprasić papracavać zvyš normy.

— Pa-raniejšamu sartujecie papieru na šmatprofilnaj firmie prezidenta kłuba?

— Vykonvajem roznuju pracu. Byvaje, sartujem. Byvaje, robim niešta inšaje. Naprykład, čynim paddony. Abo kirujem pahruzčykam. Kali što paśla zaviaršeńnia karjery budzie čym zaniacca. Žyćciovyja ŭroki …

Praca nie nadta ciažkaja. Staim spakojna, nie śpiašajučysia robim toje, što treba, hraje muzyka … Za nami niama nahladu. Zrabiŭ — źjechaŭ. Pryčym pracujem kamandaj. Adrazu bačnyja tyja, chto na palanie ciahnuć koŭdru na siabie. Paŭtarusia, mianie ŭsio zadavalniaje.

Kali b było nievynosna, u Finlandyi nie zastaŭsia b.

Kažu pra ŭsio spakojna, navat z humaram. Pracy nie bajusia. I mianie heta nie adšturchvaje.

Ja viedaju z raskazaŭ baćkoŭ, čytaju, što adbyvajecca, dzie jakija zarobki. Mnie skardzicca niapravilna. U kursie, što ludzi ŭ Biełarusi vykonvajuć takuju pracu za dźvieście dalaraŭ. A ja razam z handbołam atrymlivaju značna bolš.

— Jak ličycie, u Biełarusi handboł taksama pavinien być paŭprafiesijnym?

— Majo mierkavańnie: u Breście, SKA, moža, u «Homieli» chłopcy pavinny pravodzić pa dźvie treniroŭki ŭ dzień. Bo prahres jość, hulcy mohuć pajści na pavyšeńnie. A voś u tych kamandach, jakija krychu nižej, takuju praktyku možna prymianiać. Tym bolš časy ciapier składanyja.

Kali ludzi buduć da abiedu pracavać, a ŭviečary treniravacca, dumaju, ad hetaha nichto nie pacierpić, - skazaŭ Citoŭ.

Tribuna.com pavodle Priessboła.

• 0
• 0
• 0
• 0
• 0
• 0
• 0
• 0