Siońnia ranicaj u zavułku Telehrafnym adnavili śpiłoŭvańnie drevaŭ. Niekalki čałaviek i krajaznaviec Ihar Łapiecha ŭ tym liku, pasprabavali pieraškodzić hetamu.
Siońnia ranicaj u zavułku Telehrafnym pobač z kaledžam žyllova-kamunalnaj haspadarki adnavili śpiłoŭvańnie drevaŭ. Aktyvist ruchu "Za Svabodu!" Edvard Dmuchoŭski, krajaznaviec Ihar Łapiecha i aktyvistka Nadzieja Krapivina byli zatrymanyja za sprobu pieraškodzić vysiakańniu hrabaŭ. Milicyjantaŭ vyklikaŭ dyrektar kaledžu Alaksandar Krasucki. Zatrymańniem kiravaŭ major Siarhiej Viečar.
Jak paviedamiŭ sp. Łapiecha, zatrymanych advieźli ŭ RUUS Leninskaha rajonu na vulicy Telmana.
E. Dmuchoŭskaha abvinavacili ŭ drobnym chulihanstvie -- pieraškadžaŭ ažyćciaŭlać źniščeńnie drevaŭ supracoŭnikam Horadianazielanhasu. Na jaho skłali pratakoł pavodle art. 17.1 KaAP. U adnosinach da I. Łapiechi i N. Krapivinaj supracoŭniki milicyi skłali pa dva pratakoły: drobnaje chulihanstva i niepadparadkavańnie zakonnym patrabavańniam supracoŭnikaŭ pravaachoŭnych orhanaŭ. Bližejšym časam sud razhledzić spravy hramadzkich aktyvistaŭ, im pahražaje štraf u bujnych pamierach, abo administracyjny aryšt, paviedamiła Radyjo Racyja.
Nahadajem, što na pačatku kastryčnika miascovyja žychary spynili niezakonnaje vysiakańnie hrabavaj alei – drevaŭ, zaniesienych ŭ Čyrvonuju knihu drevaŭ.
Zdymki Radyjo Racyja
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!2
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary