Zakonaprajekt «Ab mierach uździejańnia (procidziejańnia) na niesiabroŭskija dziejańni Złučanych Štataŭ Amieryki i (abo) inšych zamiežnych dziaržaŭ» byŭ uniesieny staršynioj Dziarždumy.
Pa słovach śpikiera, zakonaprajekt byŭ raspracavany parłamientaryjami «jak miera ŭ adkaz na vykliki ZŠA i ich słužbovych asob, vyjaŭlenyja ŭ niesiabroŭskich i niekanstruktyŭnych dziejańniach, uviadzieńni sankcyj u dačynieńni jak Rasijskaj Fiederacyi ahułam, tak i jaje hramadzian i jurydyčnych asob».
Zakonaprajekt praduhledžvaje ŭžyvańnie nastupnych mier, jakija tyčacca pasłuh i tavaraŭ z ZŠA:
- zabarona abo abmiežavańnie impartu sielskahaspadarčaj pradukcyi, syraviny i charčavańnia;
- zabarona abo abmiežavańnie impartu ałkaholnaj i tytuniovaj pradukcyi;
- zabarona abo abmiežavańnie impartu lekaŭ, za vyklučeńniem tych, čyje anałahi nie vyrablajucca ŭ Rasii;
- zabarona abo abmiežavańnie ekspartu pradukcyi i abstalavańnia z redkaziamielnych mietałaŭ;
- zabarona dziaržaŭnych i municypalnych zakupak technałahičnaha abstalavańnia i prahramnaha zabieśpiačeńnia;
- vyčarpańnie vyklučnaha prava na tavarnyja znaki ŭ dačynieńni da tavaraŭ, pravaŭładalnikami jakich źjaŭlajucca hramadzianie ZŠA;
- zabarona na pryciahnieńnie vysokakvalifikavanych śpiecyjalistaŭ;
- pavyšeńnie zboraŭ na aeranavihacyjnaje absłuhoŭvańnie pavietranych sudoŭ, jakija ažyćciaŭlajuć dziejnaść pa pieravozcy hruzaŭ i jakija vykarystoŭvajuć pavietranuju prastoru Rasii.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak3
Kamientary