Rasijski rynak prademanstravaŭ śpiełuju reakcyju na novyja sankcyi ZŠA, vahańni kursu rubla nie byli krytyčnymi, paviedamlajuć «Viedamaści» sa spasyłkaj na pieršaha namieśnika staršyni Centrabanka Ksieniju Judajevu, jakaja vystupała ŭ paniadziełak na forumie rasijskaj nacyjanalnaj fondavaj asacyjacyi «Kaznačejstva 2018».
Na minułym tydni na rasijskim rynku adbyŭsia ŭsplosk vałacilnaści z-za novych sankcyj ZŠA suprać rasijskich kampanij i rostu napružanaści vakoł Siryi, kanstatavała Judajeva. U cełym reakcyja rynku na hetyja padziei «była adekvatnaja situacyi», ličyć jana.
«Vałacilnaść na rynkach aktyvaŭ - heta rynki akcyj, ablihacyj - na valutnym rynku ŭzrasła, ale heta nie parušyła bieśpierapynnaści pracy rynkaŭ, nie stvaryła situacyi niekantralavanych źmienaŭ. Možna skazać, što rasiejski rynak prademanstravaŭ peŭnuju stałaść reakcyi, stabilnaść svajoj pracy va ŭmovach rezkaha źmieny źniešnich faktaraŭ», - skazała na zakančeńnie Judajeva (cytaty pa «Interfaksu»).
Pavodle słoŭ pieršaha namieśnika staršyni CB RF, situacyja na rasijskim valutnym rynku ciapier stabilniejšaja, čym ŭ 2014 i 2016 hh.
Rasijski fondavy rynak abvaliŭsia, a kurs rubla pačaŭ słabieć paśla abvieščanych 6 krasavika minfinam ZŠA novych antyrasiejskich sankcyj - inviestary pačali masava vychodzić z rasijskich aktyvaŭ.
Da 16 krasavika rynak častkova adyhraŭ straty. Kurs rubla z 58,17 rub. za dalar i 71,38 za jeŭra ŭviečary 6 krasavika padaŭ da 65,06 rub. i 80,05 rub. 11 krasavika.
Biełaruski rubiel za hety pieryjad ŭmacavaŭsia da rasijskaha na 3,7%. Pry hetym ekśpierty adznačajuć, što takoje ŭmacavańnie niepažadana dla eksparcioraŭ, aryjentavanych na rynak Rasii, bo źnižaje kankurentazdolnaść biełaruskich tavaraŭ. Z pačatku hoda biełaruski rubiel umacavaŭsia da rasijskaha na 1%.
U paniadziełak pry adkryćci biržy rasijski rubiel značna patańnieŭ u čakańni novych sankcyj i paśla ŭdaru ZŠA i ich sajuźnikaŭ pa Siryi, piša Rejter. Adnak dalej straty skaracilisia, pakolki dasiahnutyja dołaram uzroŭni źjaŭlajucca pryvabnymi dla prodažaŭ ekspartnaj vyručki pad vypłatu padatkaŭ.
Pra toje, što ZŠA majuć namier uvieści dadatkovyja sankcyi suprać Rasiei ŭ adkaz na padtrymku Maskvoj režymu Bašara Asada, u subotu ŭ svaim akaŭncie ŭ Twitter taksama paviedamiŭ ekśpiert Atlantic Council, były daradca sankcyjnych biuro Minfina ZŠA Brajan O'Tuł.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB27
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary