Kiraŭnik ukrainskaj partyi «Baćkaŭščyna» Julija Cimašenka stała lidaram prezidenckaha rejtynhu: jaje hatovyja padtrymać 9% žycharoŭ Ukrainy. Pra heta śviedčać dadzienyja apytańnia, praviedzienaha sacyjałahičnaj hrupaj «Rejtynh».
Dziejučy prezident krainy Piatro Parašenka nabiraje 5%, jak i lidar radykałaŭ Aleh Laško. Palitykaŭ, jak śviedčać dadzienyja daśledavańnia, apiaredžvajuć lidar muzyčnaha hurtu «Akijan Elzy» Śviatasłaŭ Vakarčuk i šoŭmen Uładzimir Zialenski (u abodvuch pa 6%).
Siarod tych, chto sapraŭdy źbirajecca ŭdzielničać u hałasavańni i vyznačyŭsia sa svaim kandydatam (heta kala 2/3 respandentaŭ), taksama lidziruje Cimašenka. Joj majuć namier addać svaje hałasy 14%. Parašenka i Vakarčuk nabirajuć pa 9%, Zialenski i Laško — pa 8%.
Pry hetym ciapierašni kiraŭnik dziaržavy ŭznačaliŭ antyrejtynh: amal pałova apytanych zajavili, što ni ŭ jakim razie nie stanuć za jaho hałasavać. Laško atrymaŭ pa hetym pakazčyku 25%, Cimašenka — 24%.
Siarod kandydataŭ «druhoha vybaru» (tyja, za kaho addaduć hałasy ludzi, jakija nie znajšli ŭ śpisach svajho asnoŭnaha kandydata), lidaram staŭ Zialenski — 6%. Cimašenka i Vakarčuk i Laško atrymali pa 4%, Parašenka — 2%.
Kamientary