Jak u krainach post-SSSR ułada mianiajecca na vybarach — statystyka
Trochi sumnych ličbaŭ.
Siońniašniaje vybrańnie Nikoła Pašyniana na pasadu premjer-ministra Armienii stała tolki 17-m za amal 27 hadoŭ paśla raspadu SSSR vypadkam na «kłasičnaj» postsavieckaj prastory (12 byłych savieckich respublik biez krain Bałtyi), kali ŭłada ŭ krainie pamianiałasia nie šlacham jaje tranzitu ŭ miežach adnoj uładnaj kamandy, a pierajšła ŭ ruki palityka(ŭ), dahetul apazicyjnaha(ych) dziejučaj uładzie. Da hetaha takoje 4 razy adbyłosia va Ukrainie (1994, 2005, 2010 i 2014), pa 3 - u Hruzii (1992, 2003 i 2013) i Małdovie (1996, 2001 i 2009), pa 2 - u Azierbajdžanie (1992 i 1993) i Kyrhyzstanie (2005 i 2010), pa 1 - u Biełarusi (1994) i Tadžykistanie (1992).
Što cikava - sa zhadanych 17 razoŭ tolki ŭ šaści vypadkach (pa dva razy - u Małdovie (1996 i 2001) i Ukrainie (1994 i 2010), pa adnamu - u Biełarusi (1994) i Hruzii (2013)) pierachod ułady da apazicyjanieraŭ staŭ vynikam nie dziaržaŭnaha pieravarotu ci narodnych pratestaŭ, a adbyŭsia šlacham prostaha padliku hałasoŭ na praviedzienych u adpaviednaści z usimi kanstytucyjnymi pracedurami «ardynarnych» vybarach.
Prytym palityčnyja siły, jakija sami pryjšli da ŭłady takim šlacham, paśla taki daviałosia ad jaje adchilać inakšym čynam u troch vypadkach z šaści. Što, na maju dumku, vyrazna śviedčyć i pra ŭzrovień palityčnaj dy pravavoj kultury na hetaj prastory, i pra raźvitaść na joj palityčnych instytutaŭ. Pakul što niama nivodnaj «kłasičnaj» postsavieckaj krainy, dzie sistema rehularnaj (i prytym realnaj, a nie butaforskaj) źmieny ŭłady ŭ adpaviednaści z Kanstytucyjaj pracavała b jak hadzińnik, biez zbojaŭ. Usiudy čas ad času davodzicca hety hadzińnik padkručvać uručnuju (kali, naturalna, jaho ŭvohule śviadoma nie spynili).
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
-
Pucin užo pavinšavaŭ Madžtabu Chamieniei, a Łukašenka nie. Čaho čakaje?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary