Kala kaścioła na Załatoj Horcy zrobiać dendrapark, a na hłušyłcy płanujuć zrabić ahladnuju placoŭku
Terytoryju starych mohiłak (2 hiektary) kala kaścioła Najśviaciejšaj Trojcy (Śviatoha Rocha) u centry Minska dobraŭparadkoŭvajuć i stvarajuć tut dendrapark. Pra heta «Minsk-Navinam» paviedamiŭ probašč katalickaha chrama Juryj Sańko.
— My chočam adkryć hetyja ziemli dla haradžan i turystaŭ, stvaryć park, kab ludzi mahli pryjści siudy adpačyć i parazvažać. Užo da kanca červienia vysadziać aptečny sad ź lekavymi raślinami. Paźniej zrobim i biblejski park. Tam buduć drevy i raśliny, jakija zhadvajucca ŭ Biblii, — dzielicca płanami ksiondz. — Taksama ŭ pieršuju čarhu abstalujem placoŭku z pomnikam.
Dla dziaciej uładkujuć hulniavuju placoŭku ŭ vyhladzie karabla.
Pieraŭtvareńni zakranuć i viežy (tak zvanaj hłušyłki), što znachodzicca pobač z kultavym budynkam. Zaraz vieža vykarystoŭvajecca dvuma apieratarami mabilnaj suviazi. Jaje vyšynia kala 80 mietraŭ.
— U nas jość ideja pieraabstalavać vyšku ŭ ahladnuju placoŭku. Jana b dobra dapoŭniła parkavuju zonu, i ludzi mahli b zachaplacca pryhažościu horada z vyšyni ptušynaha palotu.
Vieža zanadta vysokaja, tak što mietraŭ 30 možna razabrać, a padjom na ahladnuju placoŭku abstalavać liftam i leśvicaj, — adznačaje Ju. Sańko. - Zaraz my vyvučajem, nakolki realna heta zrabić. Architektar raspracoŭvaje eskiz, zatym praviadziem abśledavańnie kanstrukcyi i acenim, ci vytrymaje jana nahruzki. Bo ŭ pieršuju čarhu nieabchodna dumać pra biaśpieku ludziej. Kali realizavać prajekt nie atrymajecca, viežu prosta raźbiarom.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta1
Kamientary