Daktary ŭ ZŠA vylečyli rak hrudziej u terminalnaj stadyi
Časopis Nature apublikavaŭ artykuł kamandy navukoŭcaŭ z Amierykanskaha nacyjanalnaha centra pa daśledavańni raka. U joj raspaviadajecca pra ekśpierymientalny mietad lačeńnia raka, jaki ŭ budučyni moža vyratavać žyćci tysiač ludziej, u tym liku tych, u kaho rak byŭ znojdzieny zanadta pozna, užo ŭ terminalnaj (kančatkovaj) stadyi, paviedamlaje «Nastojaŝieje vriemia».
Imia pacyjentki ŭ daśledavańni nie zhadvajecca, adnak ŚMI nazyvajuć jaje imia: Džudzi Pierkins z Fłarydy, ciapier joj 52 hady.
U 2003 hodzie žančyna pieraniesła padvojnuju mastektamiju (vydaleńnie małočnych załoz). Ale ŭ 2013 hodzie rak viarnuŭsia ŭ jaje arhanizm u vielmi ahresiŭnaj formie. Daktary pasprabavali na Pierkins siem vidaŭ chimijaterapii, ale biezvynikova. Daktary davali žančynie tolki niekalki miesiacaŭ žyćcia.
Ekśpierymientalny mietad lačeńnia, jaki na joj pasprabavali, zaklučaŭsia ŭ tym, što «leki» daktary zrabili z ułasnych limfacytaŭ pacyjenta. Daktary nazyvajuć vykarystany mietad Adoptive cell transfer (ACT) ci «pieralivańnie» ŭłasnych kletak kryvi pacyjenta.
Daktary daśledavali puchlinu na hienietyčnym uzroŭni i pasprabavali vyznačyć mutacyi białkoŭ, dziakujučy jakim možna zrabić rak «bačnym» dla imunnaj sistemy čałavieka.
Zatym daktary znajšli ŭ arhaniźmie Pierkins kankretnyja limfacyty, jakija zdolnyja atakavać mienavita mutantnyja prateiny. I sintezavali ŭ łabaratoryi padobnyja biełyja kletki. Usiaho ŭ arhanizm Džudzi zapampavana kala 82 miljardaŭ «łabaratornych» limfacytaŭ, nakiravanych na baraćbu z mutantnym rakavymi kletkami.
U daśledavańni skazana, što praz šeść tydniaŭ paśla pieranosu kletak puchlina pacyjentki pamienšyłasia na 51%.
«Užo praz tydzień [paśla terapii] ja pačała niešta adčuvać. Ja adčuvała, jak puchlina ŭ maich hrudziach pamianšajecca», — raspaviała Pierkins. — A jašče praz tydzień ci dva jana źnikła całkam».
Voś užo 22 miesiacy, heta značyć amal dva hady, Džudzi viadzie zvyčajnaje žyćcio: chodzić u pachody, katajecca na jachcie. U jaje arhaniźmie niama śladoŭ puchliny.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja16
Kamientary