Rasijskaje vydańnie EurAsia Daily, viadomaje svaimi napadami na biełaruskija ŭłady, apublikavała čarhovy materyjał na biełaruskuju tematyku. Na hety raz skandalnaje ŚMI dała trybunu Dźmitryju Kuźniacovu, jaki źjaŭlajecca namieśnikam staršyni čarnasociennaha «Rasijskaha ahulnanarodnaha sajuza». U artykule Kuźniacoŭ abvinavačvaje biełaruskija ŭłady ŭ nacyjanaliźmie i papiaredžvaje, što adziny šans dla krainy paźbiehnuć vajny — viarnucca pad kryło dvuchhałovaha arła.
Kuźniacoŭ pieraličvaje standartnyja pretenzii rasijskich čarnasociencaŭ da biełaruskich uład: «padtrymka» Ukrainy, sprava rehnumaŭcaŭ, mifičnaja «biełarusizacyja adukacyi», Dzień Voli — 2018, adkryćcio pomnika Kaściušku…
Na dumku aŭtara, biełaruskija ŭłady starajucca abapiracca na miestačkovy nacyjanalizm, kab abhruntavać nieabchodnaść niezaležnaści Biełarusi. Kuźniacoŭ pryznaje, što ŭ pieršyja hady svajho kiravańnia Łukašenka strymlivaŭ nacyjanalizm, tamu što sam źbiraŭsia ŭznačalić Rasiju. Ale jak tolki Łukašenku zhubiŭ hetuju nadzieju, kiraŭnik Biełarusi nibyta staŭ pravodzić bolš niezaležnuju i nacyjanalistyčnuju palityku. Asabliva heta prajaviłasia ŭ 2014 hodzie, paśla aneksii Kryma.
Aŭtar piša, što bolšaść biełarusaŭ nastrojena pa-prarasijsku, a ułady ź imi damaŭlacca nibyta nie chočuć. Čarnasocieniec maluje niezajzdrosnuju budučyniu Biełarusi:
«Z-za niežadańnia damaŭlacca z pa-prarasijsku nastrojenymi hramadzianami ŭ bratazabojčyja vojny byli ŭciahnutyja Małdova, Hruzija i Ukraina… Syšoŭšy z-pad «impierskaj apieki» Maskvy, Armienija i Azierbajdžan uvajšli ŭ kryvavy klinč, ź jakoha im jašče doŭha nie vybracca».
Ale Biełaruś, jak miarkuje Kuźniacoŭ, moža hetaha paźbiehnuć. Dla hetaha ŭsiaho tolki treba viarnucca pad kryło dvuchhałovaha arła:
«U budučyni da rasijska-biełaruskaha sajuza mahła b dałučycca Ukraina ci, prynamsi, tyja dziaržaŭnyja ŭtvareńni, jakija byli abvieščany na terytoryi histaryčnaj Navarosii. Paśla paŭnavartasnaj realizacyi prajekta Sajuznaj dziaržavy stvoranuju kanfiederacyju možna było b pierajmienavać u Rasijski sajuz».
Cikava, što Kuźniacoŭ nie pieršy, chto kaža pra nieabchodnaść stvareńnia tak zvanaha «Rasijskaha sajuza». Raniej z padobnaj inicyjatyvaj vystupiŭ inšy čarnasocieniec — Kirył Aviarjanaŭ-Minski.
Čytajcie taksama: Rasijskija ŚMI zahavaryli pra stvareńnie Rasijskaha sajuza ź Biełaruśsiu ŭ składzie, na čale z Pucinym
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary