U Minsku źjavilisia dziasiatki novych prypynkaŭ — «Michaiła Ptašuka», «Biznes-centr». Źnikli «Kamandna-inžynierny instytut» i «Mahazin Elektronika»
U Minsku 42 novyja prypynačnyja punkty hramadskaha transpartu atrymali nazvy i jašče 15 pierajmienavany. Adpaviednaje rašeńnie Minharvykankama apublikavana siońnia na Nacyjanalnym pravavym internet-partale, pieradaje BiełTA.
Tak, na novych vulicach u mikrarajonie Łošyca źjavilisia prypynačnyja punkty «Karziuki», «Viktara Turava», «DS «Łošyca-2»,» Michaiła Ptašuka»; na vuł. Słabadskoj u razvarotnym kole aŭtobusaŭ — « Malinaŭka-8 «; na terytoryi dyśpietčarskaj stancyi pa vuł. Siamaški — «DS «Siamaški», pa toj ža vulicy ŭ kirunku prajezdu Karalinskaha — «Siamaški». Anałahična nazvanyja suhučna z vulicami prypynki «Damašeŭskaja», «Vaŭpšasava, 33», «Akademika Karskaha», «Maršała Łosika», «Budsłaŭskaja» i niekatoryja inšyja.
Prypynačny punkt na vuł. Haradzieckaj u kirunku vuł. Leanarda da Vinčy za skryžavańniem z vuł. Hintaŭta ciapier nazyvajecca «Biznes-centr»; na vuł. Hierojaŭ 120-j Dyvizii ŭ abodvuch kirunkach — «Dziciačy sad»; na vuł. Filimonava ŭ kirunku vuł. Kiedyški za źjezdam z prasp. Niezaležnaści — «Instytut sučasnych viedaŭ»; na vuł. Starynaŭskaj u kirunku prasp. Niezaležnaści za skryžavańniem z vuł. Nikifarava — «Rynak «Uručča-3»; na vuł. Słavianskaj kala čyhunačnaj stancyi — «Čyhunačnaja stancyja «Aziaryšča». I hetak dalej.
Akramia taho, pierajmienavana 15 prypynačnych punktaŭ. Prypynak «Kamandna-inžynierny instytut» zaraz budzie nasić nazvu «Univiersitet hramadzianskaj abarony», «Aŭtavakzał «Uschodni» — «Traścianieckaja». Prypynki «Mahazin «Elektronika» na Łahojskim trakcie va ŭsich nakirunkach pierajmienavany kožnaja ŭ «Palihrafičnaja»; punkt «Padlesnaja» na vuł. Francyska Skaryny — u «Instytut psichałohii BDPU»; «Aŭtataksaservis» — «Nieŭski zavułak»; «Cikockaha» na vuł. Karbyšava — «Spartškoła»; «Sałon prakatu» na vuł. Kujbyšava — «Studenckaja paliklinika». Usie novyja nazvy majuć varyjanty na ruskaj i biełaruskaj movach.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT8
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1616
Kamientary