KDK: Lipaj užo spłaciŭ padatki, ale treba vyśvietlić, adkul atrymlivaŭ hrošy. Lipaja vyzvalili paśla dopytu
Kiraŭnik biełaruskaha niezaležnaha infarmacyjnaha ahienctva BiełaPAN Aleś Lipaj padazrajecca va ŭchileńni ad vypłaty padatkaŭ na sumu 173 tysiačy rubloŭ, paviedamlaje KDK. Paśla dopytu jaho adpuścili.
U dačynieńni da jaho raspačata kryminalnaja sprava pa č. 2 art. 243 Kryminalnaha kodeksa Biełarusi (uchileńnie ad vypłaty padatkaŭ).
Lipaja padazrajuć u tym, što jon nie zapłaciŭ padachodny padatak z dachodaŭ, atrymanych za miažoj.
Paviedamlajecca, što nibyta ŭ 2016-2017 hh. Lipaj atrymaŭ ad nierezidentaŭ Biełarusi dachod na ahulnuju sumu bolš za 1,3 miljona rubloŭ, nie padaŭ padatkovyja dekłaracyi i nie vypłaciŭ padachodny padatak. Takim čynam, paviedamlaje KDK, Lipaj nie vypłaciŭ padatkaŭ na sumu 173 tysiačy rubloŭ.
Lipaj pryznaŭ parušeńnie zakanadaŭstva i zapłaciŭ padatak i pieniu ŭ pamiery bolš za 191 tysiača rubloŭ. Ale z ulikam taho, što pamier uronu pieravysiŭ 1 tysiaču bazavych vieličyń, finansavaja milicyja abaviazanaja vyśvietlić abstaviny atrymańnia hrošaj.
BiełaPAN — adzinaje ŭ krainie niezaležnaje infarmacyjnaje ahienctva. BiełaPAN byŭ taksama hienieralnym sponsaram kancerta na Dzień Voli ŭ 2018 hodzie.
52-hadovy Aleś Lipaj viadomy taksama jak aŭtar niekalkich zbornikaŭ paezii i čałaviek vialikaj mužnaści. U červieni 1996 hoda, padčas apieracyi pa vyzvaleńni dziaciej, uziatych u zakładniki terarystam u dziciačym sadku ŭ Minsku, braŭ intervju ŭ terarysta, adciahvajučy tym samym jahonuju ŭvahu na siabie. Lipaj stvaryŭ BiełaPAN jašče ŭ 1991 hodzie i niaźmienna im kiravaŭ.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»7
Kamientary