Niamiecki vytvorca aŭtamabilaŭ BMW i francuzskaja avijabudaŭničaja kampanija Airbus zajavili, što hatovyja pieranieści vytvorčaść za miežy Brytanii, kali Łondan u najbližejšy čas nie damovicca pra ŭmovy vychadu ź ES, paviedamlaje Bi-Bi-Si.
Kiraŭnik brytanskaj filii BMW Ian Robiertsan zajaviŭ, što kampanija, jakaja vyrablaje ŭ Brytanii aŭtamabili marak Mini i Rolls Royce, hatovaja čakać tolki da kanca leta.
«Kali jasnaść [z nahody ekanamičnaha pahadnieńnia ES i Brytanii] nie źjavicca na praciahu nastupnych miesiacaŭ, my pačniom rychtavać płan na vypadak niepradbačanych abstavinaŭ… a heta aznačaje, što Brytanija stanie mienš kankurentazdolnaj», — zajaviŭ jon.
Na pradpryjemstvach aŭtavytvorcy ŭ Brytanii pracuje kala vaśmi tysiač čałaviek.
Karparacyja Airbus — na jakuju ŭ Brytanii pracujuć 14 tysiač čałaviek — taksama papiaredziła, što pieraniasie vytvorčaść, kali Brytanija pakinie adziny jeŭrapiejski rynak i mytny sajuz ES biez pahadnieńnia ab pierachodnym pieryjadzie.
Brytanski ŭrad tym časam nastojvaje, što zdoleje damahčysia vyhadnaha pahadnieńnia, u tym liku dla pramysłovaści.
U mytnym sajuzie, kudy ŭvachodziać 28 krain-členaŭ ES, dziejničajuć adnolkavyja taryfy na tavary, što impartujucca z trecich krain.
Premjer-ministr Brytanii Tereza Mej raniej vyklučyła mahčymaść zastacca ŭ mytnym sajuzie. Brytanija aficyjna vychodzić ź Jeŭrasajuza 29 sakavika 2019 hoda.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali10
Kamientary