Нямецкі вытворца аўтамабіляў BMW і французская авіябудаўнічая кампанія Airbus заявілі, што гатовыя перанесці вытворчасць за межы Брытаніі, калі Лондан у найбліжэйшы час не дамовіцца пра ўмовы выхаду з ЕС, паведамляе Бі-Бі-Сі.
Кіраўнік брытанскай філіі BMW Іан Робертсан заявіў, што кампанія, якая вырабляе ў Брытаніі аўтамабілі марак Mini і Rolls Royce, гатовая чакаць толькі да канца лета.
«Калі яснасць [з нагоды эканамічнага пагаднення ЕС і Брытаніі] не з'явіцца на працягу наступных месяцаў, мы пачнём рыхтаваць план на выпадак непрадбачаных абставінаў… а гэта азначае, што Брытанія стане менш канкурэнтаздольнай», — заявіў ён.
На прадпрыемствах аўтавытворцы ў Брытаніі працуе каля васьмі тысяч чалавек.
Карпарацыя Airbus — на якую ў Брытаніі працуюць 14 тысяч чалавек — таксама папярэдзіла, што перанясе вытворчасць, калі Брытанія пакіне адзіны еўрапейскі рынак і мытны саюз ЕС без пагаднення аб пераходным перыядзе.
Брытанскі ўрад тым часам настойвае, што здолее дамагчыся выгаднага пагаднення, у тым ліку для прамысловасці.
У мытным саюзе, куды ўваходзяць 28 краін-членаў ЕС, дзейнічаюць аднолькавыя тарыфы на тавары, што імпартуюцца з трэціх краін.
Прэм'ер-міністр Брытаніі Тэрэза Мэй раней выключыла магчымасць застацца ў мытным саюзе. Брытанія афіцыйна выходзіць з Еўрасаюза 29 сакавіка 2019 года.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары