Jak piša TUT.BY, zasnavalnik sietki vočnych klinik «Novy zrok» Aleh Kaŭryhin atrymaŭ u Pietrazavodsku ziamielny ŭčastak dla budaŭnictva kruhłasutačnaha stacyjanara. Pra heta paviedamlaje pres-słužba kiraŭnika Karelii Artura Parfienčykava.
Kaŭryhin staŭ realizoŭvać prajekt «Aftalmałahičny centr Karelii» niekalki hadoŭ tamu. U 2016 hodzie struktury biznesmiena nabyli na tarhach dvuchpaviarchovy budynak na nabiarežnaj Varkausa ŭ Pietrazavodsku, dzie raniej raźmiaščaŭsia filijał fiederalnaj dziaržustanovy «Mikrachirurhii voka» imia akademika S.M. Fiodarava. Zaraz tam zaviaršajecca rekanstrukcyja. U klinicy pracuje 74 čałavieki (ź ich 17 — daktary).
U ramkach treciaha etapu na bazie aftalmałahičnaha centra płanujecca adkryćcio kruhłasutačnaha stacyjanara dla akazańnia aftalmachirurhičnajj dapamohi darosłym i dzieciam. Dniami kiraŭnik Karelii Artur Parfienčykaŭ padpisaŭ rasparadžeńnie ab vydzialeńni ziamielnaha ŭčastka pad budaŭnictva dadzienaha abjekta. Uvod u ekspłuatacyju płanujecca ŭ 2021 hodzie. Ahulnaja suma inviestycyj u prajekt aceńvajecca ŭ 600 młn rasijskich rubloŭ.
Z 2012 hoda Aleh Kaŭryhin pražyvaje ŭ Vilni, kudy pierajechaŭ ź Minska praź pieraśled biełaruskich siłavikoŭ. Tym časam sietka klinik «Novy zrok» u Biełarusi raźvivajecca. Zaraz idzie rekanstrukcyja centra ŭ Minsku i płanujecca stvareńnie kliniki ŭ Homieli. Heta adziny abłasny centr u Biełarusi, jaki jašče nie achopleny Kaŭryhinym.
Ciapier čytajuć
Dva sakrety, dziakujučy jakim adbyłasia karjera novaha pres-sakratara MZS Rusłana Varankova4
Dva sakrety, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary