Maksima Viniarskaha zatrymali 3 lipienia ŭ rajonie bulvara Tałbuchina pierad akcyjaj Mikałaaja Statkieviča. Sudzili ž jaho za pikietavańnie restaracyi «Pajedziem, pajadzim» — pavodle artykułu 23.34 č.3 («Udzieł u niesankcyjanavanym masavym mierapryjemstvie paŭtorna na praciahu hodu»). Pasiedžańnie prajšło ŭ sudzie Mienskaha rajonu, piša Radyjo Svaboda.
Abvinavačańnie tyčycca padziejaŭ 23 červienia kala restarana «Pojediem pojedim». Pavodle jaho, 23 červienia Viniarski z 15 da 18 hadzin prymaŭ aktyŭny ŭdzieł u pikietavańni, demanstratyŭna pieraškadžaŭ prachodu i prajezdu hramadzian. U abvinavačańni było zaznačana, što pikietavańnie adbyvałasia z metaj vyjaŭleńnia niazhody z pracaj restarana.
Viniarski vinu nie pryznaŭ. Paviedamiŭ u pakazańniach, što pieraškadžaŭ prajezdu aŭtatranspartu na terytoryju restarana.
«Heta była akcyja naŭprostavaha dziejańnia. Ja suprać, kab nazyvać heta pikietavańniem» — zajaviŭ Viniarski.
Svaje dziejańni jon patłumačyŭ tym, što ličyć niedapuščalnaj pracu zabaŭlalnaj ustanovy pobač z Kurapatami.
Śviedkam vystupiŭ milicyjant z Baraŭlanskaha adździeła milicyi. Jon paviedamiŭ, što skłaŭ rapart na padstavie apytańnia supracoŭnika restarana, jaki i vyklikaŭ milicyju, ź Viniarskim nie znajomy, nia bačyŭ jaho na miescy ździajśnieńnia mahčymaha pravaparušeńnia, a jahonaje proźvišča daviedaŭsia ad zajaŭnika.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach1
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary