Studenty ŭniviersiteta Mančestara ścierli sa ściany budynka navučalnaj ustanovy vierš Redźjarda Kiplinha «Kali», abvinavaciŭšy paeta ŭ rasiźmie.
Tvor nobieleŭskaha łaŭreata pa litaratury zamianili na vierš «Ja padymajusia» amierykanskaj paetki i hramadzianskaj aktyvistki Mai Endžełoŭ.
Pradstaŭnica studenckaj rady Sara Chan vykazałasia ŭ fejsbuku.
«My ličym, što Kiplinh źjaŭlajecca ŭvasableńniem supraćlehłaha svabodzie, vyzvaleńniu i pravam čałavieka. Usiaho taho, za što my vystupajem jak studenckaja rada», — ličyć aktyvistka.
Pry hetym da samoha vierša «Kali» ŭ studentaŭ pretenzij niama.
Niezadavolenaść vyklikali inšyja tvory paeta.
Pavodle Sary Chan, Kiplinh źjaŭlajecca «ŭsieahulna viadomym aŭtaram rasisckaha vierša «Ciažar biełaha čałavieka» i mnohich inšych tvoraŭ, jakija apraŭdvajuć dziejańni Brytanskaj impieryi ŭ Indyi i źnievažajuć ludziej roznych etničnych hrup».
Kamientary