Jak prajšli pieršyja zaniatki z novaśpiečanymi studentami Akademii fudchantaraŭ A-Fest FOTY
Pasprabavać šeść straŭ — ad šaŭrmy sa śvininaj da mafina z arechami — u spałučeńni z roznymi hatunkami piva, daviedacca ŭsio pra sakretnuju navuku zitałohiju i pahutaryć z 5 top-błohierami pra toje, jak sabrać tysiačy łajkaŭ i chajpanuć u sietcy. U muziei «Alivaryja» prajšli pieršyja zaniatki Akademii fudchantaraŭ A-Fest.
Novaśpiečanyja studenty pieršaj Akademii fudchantaraŭ A-Fest prybyli ŭ muziej «Alivaryja» razam ź viadomymi biełaruskimi błohierami i «rektaram» akademii — Koko.by. Padčas znajomstva vyśvietliłasia, što stać fudchantaram chočuć biełarusy absalutna roznych prafiesij: prahramisty, prankiery, navat supracoŭnik ministerstva finansaŭ.
Zamiest sumnych lekcyj i kanśpiektaŭ, studenty praktykavalisia ŭ zasvajeńni zitałohii — navuki pra piva i asablivaści jaho vyrabu. Akramia tradycyjnych zakusak, junym fudchantaram prapanoŭvali zateścić ź pivam sinija i fijaletavyja mini-burhiery, aharodninnyja pałački sa śmietankovym dypam i inšyja niezvyčajnyja stravy. U vyniku dehustacyi studenty skłali svaju ŭłasnuju piŭnuju kartu, jakuju aceńvaŭ Koko.by: jakaja strava ź jakim hatunkam piva spałučajecca.
«Vuličnaja ježa zaŭsiody zastajecca važnym składnikam fiestyvalu A-Fest. Siońnia my raskryjem smak pieršych strytfud-setaŭ u spałučeńni z našym pivam dla tych ščaśliŭčykaŭ, jakija stali pieršymi słuchačami Akademii fudchantaraŭ, — raspaviadaje Volha Kaŭryhina, mieniedžar pa karparatyŭnych kamunikacyjach pivavarnaj kampanii «Alivaryja». — Studenty buduć mieć mahčymaść nie tolki dehustavać, ale i adtočvać navyki ŭ napisańni ahladaŭ i stvareńni fud-fatahrafij, tym samym raspaviadajučy pra tyja stravy i napoi, jakija varta abaviazkova pasprabavać na hałoŭnym biaspłatnym oŭpen-ejry leta».
Prasoŭvańnie svajho asabistaha brenda — važny składnik navučańnia prafiesii «palaŭničaha na ježu». Paśla kožnaj dehustacyjnaj častki studenty akademii razmaŭlali ź piaćciu topavymi błohierami, jakija raskazvali pra svaje samyja paśpiachovyja prajekty i pasty ŭ sacyjalnych sietkach. Fudbłohier Alaksandr Vitorski raspavioŭ, jak zrabić tak, kab ahlad ubačyli tysiačy. A ekśpiert pa asabistym brendzinhu Natalla Biertaš — što davier vymiarajecca nie tolki łajkami.
Paśla pieršych praktyčnych zaniatkaŭ studenty adpravilisia vykonvać chatniaje zadańnie — rabić ahlady na stryt-sety Food-A-Festa, jaki pačaŭsia ŭ 20 kaviarniach i restaranach Minska ŭ hety paniadziełak. Hałoŭny vypuskny ekzamien čakaje fudchantaraŭ na placoŭcy A-Fest, jaki projdzie 11 žniŭnia ŭ Łošyckim parku. Tut im treba budzie acanić samyja raznastajnyja stravy i napoi.
-
Pad Minskam adkryli zavod, dzie robaty vypuskajuć duchavyja šafy
-
«Časta na «chimii» składana rabić samyja prostyja rečy». Cichanoŭskaja vykazała spačuvańni z pryčyny śmierci Aleny Pankovaj
-
Biełaruska, jakaja vyrablaje broški ŭ vyhladzie dziaŭčat z čyrvona-zialonymi kakošnikami, ščyra nie razumieje, čamu jaje krytykujuć
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary