Pavodle słovaŭ kiraŭnika adździaleńnia kampanii ŭ Paŭnočnaj Jeŭropie, Vialikabrytanija źjaŭlajecca «adnym z najlepšych miescaŭ u śviecie» dla technałahičnych kampanij, paviedamiła The Times.
Kampanija Facebook abviaściła ab budaŭnictvie novaj štab-kvatery ŭ rajonie Kinhz-kros płoščaj bolš za 55,7 tys. kv. m, adznačaje vydańnie.
Karparacyja Google buduje ŭ hetym ža rajonie pieršy ŭ Łondanie 300-mietrovy «lažačy chmaračos» płoščaj zvyš 92 tys. kv. m pa prajekcie viadomaha brytanskaha dyzajniera Tomasa Chietervika. U lipieni minułaha hoda ŭ adnym z łondanskich budynkaŭ na 15 pavierchach ahulnaj płoščaj kala 56 tysiač kv. m abstalavałasia kampanija Amazon. Kampanija Apple abrała dla svajoj novaj štab-kvatery budynak byłoj elektrastancyi ŭ Batersi. U pomniku architektury, jaki znachodzicca pad achovaj dziaržavy, na šaści pavierchach ahulnaj płoščaj amal 46,5 tys. kv. m raźmieściacca bolš za 1,4 tys. supracoŭnikaŭ.
Pavodle ahienctva nieruchomaści Savills, pačynajučy z treciaha kvartała 2016 hoda technałahičnyja kampanii zaniali ŭ ahulnaj składanaści amal 288 tys. kv. mietraŭ płoščy, abo 12,8% ad usioj najaŭnaj.
«Mnohija bujnyja mižnarodnyja firmy nie ličać, što Brexit istotna adabjecca na praviadzieńni biźnies-apieracyj», - adznačaje kiraŭnik ahienctva Poł Bieniet. Amierykanskija kampanii praciahvajuć addavać pieravahu Złučanamu Karaleŭstvu z-za supolnaj movy, dastupnaści vienčurnaha kapitału, mienšaha, čym, naprykład, u Francyi rehulavańnia rynku pracy, a taksama spryjalnaha dla startapaŭ padatkaabkładańnia, dadaje vydańnie.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary