Sajt Kryštapoviča: «Biełarusija — heta ruskaja ziamla. Na joj žyvuć ci ruskija, ci prapolskija iudy»
Sajt «Teleskop», jaki redahujecca prychilnikam zachodnierusizmu, supracoŭnikam Univiersiteta kultury i mastactvaŭ Biełarusi Lvom Kryštapovičam, nadrukavaŭ materyjał u stylistycy asudžanych za raspalvańnie nacyjalnaj varažniečy aŭtaraŭ «Rehnuma».
U materyjale pad nazvaj «Źbierahčy Rasii Biełuju Ruś» śćviardžajecca, što nijakaj Biełarusi i biełarusaŭ niama — usio heta, maŭlaŭ, Rasija, dzie žyvuć abo ruskija, abo — «iudy».
«Uviedzienyja ŭ zman balšavikami vielikarosy nijak nie mohuć zrazumieć, što Biełarusija — takaja ž ruskaja ziamla, jak Sibir, Kubań ci Smalenskaja vobłaść. I na hetaj ziamli žyvuć dva hatunki ludziej: 1) ruskija, 2) prapolskija iudy.
Ułada, hrošy i miedyjnyja resursy ŭ siońniašniaj RB naležać vyklučna druhoj katehoryi, choć ludzi z ahulnaruskaj śviadomaściu dahetul składajuć bolšaść nasielnictva Biełaj Rusi. Adpaviedna, kali rasijskija dypłamaty i pradprymalniki praciahnuć ličyć siabie ŭ mižnarodnym stanoviščy, znachodziačysia ŭ Hrodnie, Minsku i Viciebsku, Biełarusija praź niepraciahły čas nasamreč stanie dla ruskaha čałavieka zamiežžam. Pryčym, takoj ža niesiabroŭskaj, jak Polšča ci Ukraina. Ščyra spadziajusia, što, pryznačajučy novaha pasła ŭ Biełoruśsiju, rasijskaje kiraŭnictva pryniało da viedama tyja niebiaśpieki, pra jakija ja pišu ŭžo šmat hod; i Michaił Babič zmoža, kažučy słovami Razanava, źbierahčy Rasii jak zrenku voka hetyja čysta ruskija i hłyboka ruskija vobłaści pa Niomanie i Vilii», — piša «Teleskop».
Aŭtar tekstu — Kirył Aviarjanaŭ. Prykładna za takija ž jaho teksty ŭ Biełarusi byŭ zabłakavany dostup da jašče adnaho šavinistyčnaha resursa — «Sputnik i Pohrom».
Samomu Avierjanavu zabaronieny ŭjezd u Biełaruś, biełaruskaha hramadzianstva jon pazbaŭleny.
-
Śviatłana Cichanoŭskaja paviedamiła litoŭskim parłamientaryjam pra rašeńnie pierajechać u Polšču
-
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy
-
«Ja — jak supiervumien». Jak byłaja biblijatekarka pracuje prybiralščycaj u Biełastoku — jak spraŭlajecca i kolki zarablaje
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy1
Kamientary