Aroł-mahilnik ŭpieršyniu papoŭniŭ sistematyčny śpis arnitafaŭny Biełaviežskaj puščy, paviedamiŭ BIEŁTA supracoŭnik navukovaha adździeła nacyjanalnaha parku Vadzim Prakapčuk.
Novy redki vid Aquila heliaca byŭ zarehistravany ŭ lipieni i atrymaŭ status «zaletnaha». Maršrut arła-mohilnika pralahaŭ nad terytoryjaj Biełaviežskaj puščy. Heta była maładaja samka Stefanija, jakaja naradziłasia ŭ 2017 hodzie ŭ Uschodniaj Słavakii i paznačana spadarožnikavym pieradatčykam. Za dva dni Stefanija pralacieła nad zachodniaj častkaj Biełarusi praktyčna pa mierydyjanalnym kirunku, paśla čaho praz Kalininhradskuju vobłaść palacieła ŭ Polšču.
«Navat u takim zalotnym statusie raniej hety vid u nas nie rehistravaŭsia. Adziny raz aroł-mahilnik zhadvajecca ŭ publikacyi za 1898 hod, dzie jon fihuruje jak impieratarski aroł (Aquila imperialis). Ale zhadka ŭ litaratury nie źjaŭlajecca padstavaj dla ŭniasieńnia ŭ sistematyčny śpis. tamu možna skazać što ciapier jon tudy trapiŭ upieršyniu dziakujučy słavackaj prahramie pa manitorynhu za ptuškami. Za ŭsiu historyju arnitałahičnych nazirańniaŭ heta dziaviataja rehistracyja vidu ŭ Biełarusi», - adznačyŭ navukovy supracoŭnik.
Aroł-mahilnik źjaŭlajecca bujnym ptušynym drapiežnikam siamiejstva jastrabinych. Daŭžynia jaho cieła składaje 72-83 sm, razmach kryłaŭ dasiahaje 190-210 sm. Vid hniazdujecca ŭ stepavaj i lesastepavaj pałasie Jeŭrazii na ŭschod da Bajkała i centralnych rajonaŭ Kitaja. Jon addaje pieravahu adkrytym prastoram, paluje na siaredniaha pamieru dzičynu - suślikaŭ, surkoŭ, zajcoŭ, niekatorych ptušak.
Ličycca, što mahilnikam arła nazvali za toje, što jon zakopvaje pamierłych surodzičaŭ.
Zaraz arnitafauna Biełaviežskaj puščy naličvaje bolš za 250 vidaŭ ptušak, ź jakich 186 hniazdujucca. Tut sustrakajucca 64 vidu ptušak, zaniesienych u apošni vydańnie Čyrvonaj knihi Biełarusi.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku5
Kamientary