Amal 77 miljonaŭ rubloŭ budzie vydzielena z respublikanskaha biudžetu za košt reziervovaha fondu prezidenta na padrychtoŭku i praviadzieńnie II Jeŭrapiejskich hulniaŭ. Łukašenka padpisaŭ adpaviedny ŭkaz 15 žniŭnia, paviedamlaje pres-słužba prezidenta.
Srodki nakirujuć na kapitalny i biahučy ramont, dobraŭparadkavańnie Pałaca sportu, respublikanskich centraŭ alimpijskaj padrychtoŭki pa viaślarnych vidach sportu i pa tenisie, padrychtoŭku spartyŭnych abjektaŭ pa miescy pražyvańnia ŭdzielnikaŭ Jeŭrapiejskich hulniaŭ i internaty dla raśsialeńnia častki studentaŭ, jakija pražyvajuć u kompleksie «Studenckaja vioska».
Akramia taho, častku hrošaj z hetaj sumy vydzielać na raźmiaščeńnie tematyčnych materyjałaŭ u viadučych jeŭrapiejskich srodkach masavaj infarmacyi, arhanizacyju i praviadzieńnie dopinh-kantrolu spartoŭcaŭ, kuplu pasłuh prahramna-techničnaha błoka dla praviadzieńnia spabornictvaŭ.
Kamientary