Stužka Ŭładzimiera Kołasa "Halereja Ady" pieramahła na francuskim kinafeście «Escales Documentaire».
Film Uładzimiera Kołasa pra Adu Rajčonak pieramoh na francuskim kinafeście «Escales Documentaire».
Dakumentalny film “Halereja Ady”, źniaty ŭ 2007 h. telekanałam «Biełsat» u supracy z polskaju kinastudyjaj «Everest», atrymaŭ hałoŭnuju ŭznaharodu na VIII Mižnarodnym festyvali kreatyŭnych dakumentalnych filmaŭ «Escales Documentaire» u francuskim horadzie La-Rašel.
U aficyjnym kamiunikie žury festyvalu nastupnym čynam tłumačyć, čamu «Halereja Ady» zasłuhoŭvaje na hetuju prestyžnuju ŭznaharodu: «...
za zdolnaść aŭtara pakazać čałaviečnaść hierojaŭ, za siłu supracivu ŭ hramadztvie, jakoje znachodzicca ŭ biadzie, za śviata mastactva i nadzieju— žury adzinahałosna addaje Ŭznaharodu «Escales Documentaire» filmu Ŭładzimira Kołasa «Halereja Ady».
Festyval «Escales Documentaire» u La-Rašeli pravodzicca štohod jak kulturnicki fest. U im udzielničajuć dziesiatki filmaŭ z usiaho śvietu. Paśla adboru dla ŭdziełu ŭ finalnym konkursie zastajecca 10—15 filmaŭ. «Halereja Ady» była adzinaju biełaruskaju stužkaju na sioletnim festyvali.
Byłaja nastaŭnica, a siońnia pensijanerka Ada Rajčonak žyvie ŭ miastečku Hiermanavičy na Viciebščynie. Jana kožnaje leta ładzić mastackija plenery, pryśviečanyja pamiaci svajho zaŭčasna pamierłaha syna. Śviet mastactva i śviet biełaruskaj vioski to ŭvachodziać u kanfrantacyju, to vyjaŭlajuć uzajemnuju pryjaznaść. Film fiksuje specyfičnyja adnosiny, jakija naradžajucca padčas pleneru pamiž mastakami dy žycharami vioski, što robiacca madelami dla mastakoŭ
Paŭtara miesiacu tamu film «Halereja Ady» na telefestyvali «Załaty bubien» u Chanty-Mansijsku (Rasieja) staŭ laŭreatam u katehoryi «Nacyjanalny charaktar», a 24 kastryčnika zaniaŭ pieršaje miesca ŭ katehoryi “Najlepšy rehijanalny nizkabiudžetny dakumentalny film” na konkursie «Europa Prix» u Berlinie.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary