Pieršy vice-premjer: Tolki kali pierastać sadžać biznesmienaŭ za kraty, źniknie strach
Niama nieabchodnaści trymać biznesmienaŭ za kratami da suda pavodle padazreńnia ŭ padatkovych złačynstvach, zajaviŭ pieršy vice-premjer Biełarusi Alaksandr Turčyn u intervju «Hałoŭnamu efiru» telekanała «Biełaruś 1».
«Ja hłyboka pierakanany, što, kali biznesmen nie dapłaciŭ padatki, u jaho jość aktyvy, jość ułasnaść. I vypadki vybaru miery strymańnia ŭ vyhladzie zaklučeńnia pad vartu na čas śledstva pavinny być prosta adzinkavymi ŭ našaj krainie. Nie viedaju navat pa jakich pryčynach. Jość majomaść — nakłali aryšt. Jość załoh, jość padpiska ab niavyjeździe, roznyja formy, kali łaska. Śledstva idzie, biznes pracuje. Jość rašeńnie suda, što pavinien dapłacić — kali łaska, chaj płacić. Heta daść vielmi surjozny stymuł — źniknie strach, što za niejkuju pamyłku budzie vielmi surjoznaja raspłata. Pakarańnie pavinna być niaŭchilnym, ale suvymiernym», — padkreśliŭ Alaksandr Turčyn.
Jon pryznaŭ, što zaciahnułasia praca nad papraŭkami ŭ samy adyjozny dla biznesu ukaz № 488 ab baraćbie ź iłžepradprymalnickimi strukturami. Ale, zapeŭniŭ pieršy vice-premjer, biznes i siłaviki pryjšli da kansensusu pa transfarmacyi hetaha ŭkaza.
Turčyn upeŭnieny, što mienavita mały i siaredni biźnies buduć drajvierami stvareńnia pracoŭnych miescaŭ. Tamu važna kardynalna pierahledzieć prahramu padtrymki pradprymalnictva. «Siońnia jana nie pracuje», — pryznaŭ pieršy vice-premjer.
Treba, kab miascovyja orhany ŭłady bačyli ŭ biznesmienach partnioraŭ i razumieli — jany dapamahajuć vyrašać pytańni sacyjalna-ekanamičnaha raźvićcia rehijonu, upeŭnieny jon. «U nas u Kanstytucyi zapisana roŭnaść formaŭ ułasnaści. My b chacieli, kab hetaja norma vykonvałasia biezumoŭna. Važnaja narmalnaja kankurencyja, i tam i tam pracujuć našy ludzi, jany płaciać padatki», — zajaviŭ Turčyn.
Jon padkreśliŭ, što staŭka budzie rabicca na ličbavuju ekanomiku i raźvićcio pradprymalnictva. Ličbavaja ekanomika — budučynia ŭsiaho śvietu, nie tolki našaj krainy, upeŭnieny Turčyn. Užo idzie praca pa niekalkich kirunkach: heta elektronny ŭrad, «pavinna być zručnaja i zrazumiełaja dla čałavieka i subjektaŭ haspadarańnia sistema atrymańnia dziaržpasłuh». Inšyja najvažniejšyja temy — elektronnaja adukacyja i elektronnaja miedycyna.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary