Eks-forvard «Barsiełony» i madrydskaha «Reała», brazilec Ranałda, što ŭžo zaviaršyŭ karjeru, nabyŭ 51% akcyj futbolnaha kłuba «Reał Valjadalid».
«Ranałda — čałaviek, jaki ŭlublaje ŭ siabie i ažyćciaŭlaje mary. Prychod Ranałda dazvolić kłubu ździejśnić jakasny skačok. Ja vitaju vas u vašym novym domie», — zajaviŭ prezident kłuba «Reał Valjadalid» Karłas Suares, pradstaŭlajučy Ranałda na pres-kanfierencyi ŭ meryi Valjadalida.
Así se escenificó la presentación de @ronaldo como nuevo máximo accionista del Real Valladolid
https://t.co/hUH2MPNTVT#pucela #RealValladolid pic.twitter.com/YnVycRU3Sd
Sam Ranałda zapeŭniŭ, što kłub nie źbirajecca spyniacca ŭžo na dasiahnutym (u 2018 hodzie «Reał Valjadalid» paśla čatyrochhadovaha znachodžańnia ŭ druhim pa sile dyvizijonie ispanskaha futboła viarnuŭsia ŭ vyšejšy dyvizijon i ciapier zajmaje ŭ im 16-je miesca) i maje namier padymacca «tak daloka, jak tolki dazvolać mary».
«Ja chaču, kab usie dapamahali budavać hety kłub, i zaprašaju ŭsich fanataŭ pryniać udzieł u prajekcie. Dzialiciesia vašymi idejami, dumkami, krytykaj i nadziejami. Ja chaču, kab vy byli častkaj sučasnaści i budučyni kłuba «Reał Valjadalid», — zajaviŭ Ranałda.
U zaviaršeńnie cyrymonii Ranałda padaryli futbołku «bieła-fijaletavych» ź jaho imiem.
Kamientary