Rasijski samalot Ił-20 byŭ źbity z kompleksu S-200 sił supraćpavietranaj abarony Siryi, ale pad udar jaho padstavili izrailskija lotčyki, zajavili ŭ Minabarony, pieradaje ria.ru. Zahinuli 15 rasijskich vajskoŭcaŭ.
U Maskvie taksama padkreślili, što razhladajuć dziejańni Izraila jak varožyja. Taksama ŭ ministerstvie zajavili ab pravie na «adekvatnyja dziejańni».
Minabarony Izraila: Kali siryjcy vypuścili rakiety ŭ rasijski samalot, našy samaloty ŭžo znachodzilisia ŭ pavietranaj prastory Izraila
Ił-20 źnik z radaraŭ padčas nalotu čatyroch izrailskich samalotaŭ F-16 na pravincyju Łatakija. Suviaź z ekipažam źnikła nad Mižziemnym moram kala 23:00 na adlehłaści 35 kiłamietraŭ ad uźbiarežža Siryi.
La bierahoŭ Łatakii znajšli abłomki źbitaha rasijskaha samalota
Ił-20 — samalot radyjoelektronnaj raźviedki i radyjoelektronnaj baraćby. Hetyja samaloty, piša ria.ru dobra zarekamiendavali siabie padčas bajavych dziejańniaŭ u Siryi, kaardynujučy ŭdary VKS Rasii (u tym liku palot kryłatych rakiet).
Jak paviedamlałasia siońnia, surazmoŭca CNN siarod amierykanskich aficyjnych asob zajaviŭ, što rasijski Ił-20 z 14 vajskoŭcami, jaki źnik viečaram 17 vieraśnia nad Mižziemnym moram, byŭ źbity siryjskim SPA. Pavodle jaho słoŭ, apošnija sprabavali spynić ataku izrailskaj avijacyi na pravincyju Łatakija i vypadkova źbili rasijski samalot.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary