U HUUS Minharvykankama raspaviali novyja padrabiaznaści pahoni DAI za lehkavikom z rasijskimi numarami ŭ Minsku
Pieraśledvać «Aŭdzi» rabotniki DAI pačali jašče ŭ Minskim rajonie. «Kala 14.50 na trasie R28 (Minsk — Maładziečna) kala vioski Łašany kiroŭca\ «Aŭdzi 80» na rasijskaj rehistracyi nie vykanaŭ patrabavańnie supracoŭnikaŭ DAI Minskaha rajona spynicca i praciahnuŭ ruch u kirunku stalicy. Pry pieraśledzie nieadnarazova nie vykonvaŭ patrabavańni ab spynieńni», - adznačyli ŭ HUUS.
Kala Zasłaŭja słužbovy aŭtamabil DAI pa techničnych pryčynach nie zmoh praciahnuć pieraśled. Infarmacyja ab parušalniku była pieradadziena ŭ dziažurnuju častku.
U Minsku na vuł. Cimirazieva ŭ rajonie MKAD supracoŭniki staličnaj DAI zaŭvažyli aŭtamabil. Kiroŭca znoŭ nie spyniŭsia. Jon zbočyŭ u zavułak Tučynski na parkoŭku kala handlovaha centra «Karona», dzie praciahnuŭ ruch pa tratuary ŭ napramku ŭvachodu na stancyju mietro «Maładziožnaja».
Inśpiektar vykarystaŭ tabielnuju zbroju dla spynieńnia aŭto (u vyniku nichto nie paciarpieŭ), bo dziejańni vadziciela «Aŭdzi 80» stvarali realnuju pahrozu žyćciu i zdaroŭju ludziej, zaznačajecca ŭ paviedamleńni.
«Hetaja miera nie dazvoliła spynić supraćpraŭnyja dziejańni kiroŭcy. Jon praciahnuŭ ruch pa tratuary kala handlovaha centra ŭ napramku vuł. Kalvaryjskaj, zatym pa joj samoj, potym zbočyŭ na vuł. Žudro i pajechaŭ pa sustrečnaj pałasie», - dadali ŭ HUUS.
Na vuł. Žudro parušalnik urezaŭsia ŭ mašyny. Tut «Aŭdzi» u rešcie rešt zabłakavali słužbovymi aŭtamabilami DAI.
Kiroŭca zatrymany. Ustanoŭlena, što heta hramadzianin Biełarusi, 1953 hoda naradžeńnia. Pravy adpaviednaj katehoryi ŭ jaho jość, byŭ ćviarozy. «Pryčynu nieadekvatnych pavodzin i šmatlikich parušeńniaŭ PDR patłumačyć nie zmoh. Pa hetym fakcie pravodzicca pravierka», - prainfarmavali pravaachoŭniki.
U HUUS padkreślili, što «u staličnaj DAI dastatkova srodkaŭ i mietadaŭ dla baraćby z pravaparušalnikami, što ažyćciaŭlajuć supraćpraŭnyja dziejańni, jakija vykarystoŭvajucca i buduć vykarystoŭvać stroha ŭ adpaviednaści z zakanadaŭstvam».
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT14
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary