«Mienšy za siaredni». Skandalnaja pornaakciorka raskazała padrabiaznaści pra seks z Trampam
Viadomaja pad psieŭdanimam Stormi Deniełs pornazorka Stefani Klifard u miemuarach, jakija źjaviacca ŭ prodažy ŭ kancy kastryčnika, apisvaje nieprystojnyja i adkrytyja padrabiaznaści pra seksualnyja adnosiny z prezidentam ZŠA Donaldam Trampam, i razvažaje, ci padychodzić jon dla taho, kab zajmać pasadu prezidenta, paviedamlaje The Guardian, jakaja atrymała kopiju knihi Klifard «Poŭnaje vykryćcio».
U knizie Deniełs apisvaje bojaź, jakuju jana adčuvała, kali Tramp pačaŭ nabližacca da pieramohi na vybarach prezidenta ŭ 2016 hodzie.
Akramia taho, miemuary źmiaščajuć padrabiazny apovied pra jaje sustrečy z Trampam na turniry pa holfie Saŭt-Łejk-Tacha (štat Kalifornija) u 2006 hodzie, a taksama bolš pryvatnyja adnosiny. Pavodle Klifard, achoŭnik Trampa zaprasiŭ jaje na viačeru, i takim čynam jana trapiła ŭ jaho pientchaus.
U miemuarach viadomaja pornazorka raspaviadaje pra pamier hienitalij Trampa i apisvaje ahidu, jakuju jana adčuvała ad samoj siabie. Klifard raskazvaje, što pałavy člen Trampa pa pamiery «mienšy za siaredni», ale i «nie pačvarna maleńki».
Deniełs śćviardžaje, što na praciahu nastupnaha hoda praciahvała adkazvać na šmatlikija telefanavańni Trampa ŭ nadziei, što jon vykanaje svajo abiacańnie i voźmie jaje na realici-šou «Vučań» (The Apprentice).
Jana taksama raspaviała historyju, jakaja adbyłasia ŭ 2007 hodzie. Jany z Trampam znachodzilisia ŭ haściničnym numary i hladzieli tok-šou, kali patelefanavała Chiłary Klintan. Padčas razmovy Klintan i Tramp nieadnarazova zhadvali ab ich «ahulnym płanie».
U knizie Deniełs taksama ŭzhadvaje, što pry sustrečy ź joj Tramp nie vyhladaŭ razdražnionym, schilnym da vybuchaŭ hnievu, jakim jon moža zdavacca ŭ čas jaho prezidenctva.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha2
Kamientary