Reč dnia: biełaruskaja dyzajnierka raspracavała brošku ŭ vyhladzie vulvy
Vitražystka Vara Son, viadomaja svaim brendam aksesuaraŭ @oriori_studio, padzialiłasia ŭ instahramie novym vyrabam: jarkaj broškaj, jakaja paŭtaraje formu vulvy.
Dziaŭčyna nie paśpieła vykłaści brošku na asabistuju staronku, jak joj užo napisali šmat patencyjnych pakupnic, niekatoryja paprasili sabie adrazu try.
Uličvajučy, što Vara sama apisała svaju novuju brošku jak «kryšačku skandalnaści», my raspytali ŭ jaje padrabiaźniej, čamu joj było cikava stvaryć sa škła mienavita taki vobraz.
«U maim razumieńni heta vydatny simvał žančyny. Heta simvał praŭdy. Nie adziny, ale niespraviadliva vyhnany za ramki dazvolenaha. Tym časam, kali b vahiny nie było, my b z vami nie razvažali na hetuju temu. Ja nie baču ŭ joj vulharnaści i hrubaści. Ale razumieju stupień pravakacyi, jakuju jana stvaraje. Z takimi vobrazami cikava pracavać», — raspaviała dyzajnierka.
Kožnaja z detalaŭ broški vyrazałasia ŭručnuju i apracoŭvałasia pry dapamozie śpiecyjalnych instrumientaŭ. Detali vyrazajucca roŭna pa lakałach, šlifujucca na stanku, paśla abklejvajucca miednaj falhoj, kab u vyniku być spajanymi. Składanaść stvareńnia vitražnych vyrabaŭ upłyvaje na ich košt: tak, hetaja broška kaštuje 85 rubloŭ.
Jak vam?
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary