Pieramožcu konkursu «Mis Ukraina — 2018» pazbavili karony, bo ŭskrylisia padrabiaznaści jaje bijahrafii
Vieraniku Dydusienka, jakaja 21 vieraśnia stała pieramožcaj konkursu «Mis Ukraina — 2018», dyskvalifikavali i pazbavili tytuła.
Pra heta havorycca ŭ aficyjnaj zajavie arhkamiteta Nacyjanalnaha konkursu pryhažości «Mis Ukraina».
Takoje rašeńnie kamitet pryniaŭ paśla taho, jak akazałasia, što Vieranika Dydusienka znachodziłasia ŭ šlubie, što supiarečyć praviłam konkursu.
«U suviazi z parušeńniem udzielnikam Vieranikaj Dydusienka umoŭ dahavora i Praviłaŭ praviadzieńnia Nacyjanalnaha konkursu pryhažości «Mis Ukraina», jaje dyskvalifikavali», — havorycca ŭ zajavie arhkamiteta. Pa praviłach konkursu, usie jaho ŭdzielnicy nie pavinny być u šlubie da abo padčas konkursu i nie mieć dziaciej.
«Vieranika Dydusienka padała niedakładnuju infarmacyju, paćviardžajučy, što nie znachodziłasia ŭ šlubie i nie maje dziaciej», — rastłumačyli ŭ kamitecie. Vykanaŭčy dyrektar konkursu Viktoryja Kijosie adznačyła, što ŭ arhkamitecie infarmacyju ab siamiejnym stanoviščy Dydusienka atrymali ad žurnalistaŭ, paśla čaho źviazalisia ź Vieranikaj i atrymali paćviardžeńnie ad jaje. U suviazi z hetym u najbližejšy čas toj ža skład žury pieraabiare Mis Ukraina — 2018.
Vieranika Dydusienka naradziłasia i vyrasła ŭ Kijevie. Skončyła humanitarny licej imia Lesi Ukrainki, atrymała stupień bakałaŭra ŭ Kijeŭskim nacyjanalnym univiersitecie imia Tarasa Šaŭčenki pa śpiecyjalnaści matematyka. Ciapier vyvučaje finansy i inviestycyi. Paralelna pracuje madellu ŭ viadučych ahienctvach Paryža i Miłana, z brendami Maison Margela i Escada.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary