U Homieli jafrejtara pakarali «chatniaj chimijaj» za dziedaŭščynu
2 hady abmiežavańnia voli biez nakiravańnia va ŭstanovu adkrytaha typu («chatniaj chimii») atrymaŭ za dziedaŭščynu jafrejtar vojskaŭ supraćpavietranaj abarony. Pavodle abvinavačańnia, Pavał Krasilnikaŭ prymušaŭ sałdat adciskacca, prysiadać, stajać na hałavie i śpiavać pry hetym. Jafrejtar viny nie pryznaŭ. Paciarpiełyja prasili sud nie karać jaho stroha, paviedamlaje «Radyjo Svaboda».
«Spadziajusia na spraviadlivaje rašeńnie sudu. Usio», — zaznačyŭ na apošnim słovie ŭ sudzie abvinavačany.
Fakty dziedaŭščyny ŭ vajskovaj častcy № 48694 datavanyja vieraśniem 2017 hodu. Ad dziejańniaŭ vajskoŭca paciarpieli piać šerahoŭcaŭ. Adciskańni, prysiadańni, śpievy stojačy na hałavie śledztva pryznała prynižeńniem i ździekami. Paciarpiełyja nie asudžali jafrejtara, prasili sud pastavicca da jaho pabłažliva. «Ja dla jaho turmy nie chaču!» — zajaviŭ adzin z radavych. Inšyja prytrymlivalisia takoj ža dumki.
Šarahoŭcy śviedčyli, što nia viedajuć pryčyny, ź jakoj jafrejtar prymusiŭ ich adciskacca i prysiadać. Adzin vykazaŭsia, što heta mahło być pakarańniem za raźbity akvaryjum.
Abvinavačany nie pryznaŭ viny. Jon vykazaŭsia, što sałdaty abhavaryli jaho, bo byŭ da ich patrabavalny, «lubiŭ čyściniu i paradak».
Dziaržaŭny abvinavaŭca prasiŭ pakarać jafrejtara abmiežavańniem voli na dva hady biez nakiravańnia va ŭstanovu adkrytaha typu («chatniaja chimija»).
Advakat Paŭła Krasilnikava ŭ sudovych sprečkach davodziŭ, što ŭ spravie nie chapaje dokazaŭ viny jahonaha padabaronnaha. Naprykład, złačynstva datujecca vieraśniem, ale pa dakumentach paciarpiełyja byli ŭ hety čas u słužbovaj vypravie. Na dumku abaroncy, u spravie niama dokazaŭ ździekaŭ i prynižeńniaŭ. Pakazańni paciarpiełych advakat nazvaŭ supiarečlivymi.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary