Ukrainski režysior Aleh Siancoŭ, asudžany ŭ Rasii, znachodzicca ŭ reanimacyi balnicy horada Łabytnanhi paśla 145 dzion haładoŭki. Pra heta jaho siastra Natalla Kapłan paviedamiła ŭkrainskamu telekanału «24».

Pavodle Kapłan, admova ad ježy pryviała da niezvarotnych nastupstvaŭ dla zdaroŭja: u Siancova prablemy z sercam, mozham, straŭnikam, piečańniu, nyrkami, kišečnikam.
Kapłan adznačyła, što režysior užo napisaŭ zaviaščańnie. «Jon nie vieryć, što vyjdzie, abo, moža i vieryć, ale ŭžo nie čakaje hetaha. Ja spadziajusia, što my jaho adtul vyciahniem», — kaža siastra.
6 kastryčnika Siancoŭ vymušana spyniŭ haładoŭku, pakolki jaho sabralisia karmić prymusova. Za 145 dzion jon schudnieŭ na 20 kiłahramaŭ i surjozna padarvaŭ zdaroŭje.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju
Kamientary