Viktar Prakapienia: Uvieści maratoryj na vykanańnie śmiarotnaha pakarańnia było b razumna
Siońnia bačny ekanamičny efiekt ad luboha rašeńnia — i heta treba abmiarkoŭvać, pra heta treba damaŭlacca. Takoje mierkavańnie vykazaŭ, vystupajučy na KEF-2018, zasnavalnik VP Capital Viktar Prakapienia.
Prakapienia adznačyŭ, što mnohija rašeńni my prymajem biez uliku ekanamičnaha składnika, i heta niedapuščalna. A mahčymaści dla takoj acenki jość. Naprykład, praz staŭki biełaruskich jeŭrabondaŭ. «Naprykład, admianicie śmiarotnaje pakarańnie — i kraina zapłacić na niekalki pracentnych punktaŭ mienš. Značyć, 200 miljonaŭ dalaraŭ nam kaštuje rasstralać 5 čałaviek… Treba razumieć nie tolki, dobra heta ci drenna, ale i kolki heta kaštuje. Paličycie, i vyśvietlicca, što ŭvieści maratoryj na vykanańnie śmiarotnaha pakarańnia — całkam razumna», — razvažaŭ Prakapienia.
Anałahična i z acenkaj układu ŭ VUP. «Naprykład, siłaviki «zakryli» biznesmiena, atrymali 1 miljon dołaraŭ, i jany małajcy. A što kraina hublaje 100 miljonaŭ dalaraŭ — hetaha nichto nie ličyć», — arhumientavaŭ biznesmien.
Pry hetym jon upeŭnieny, što ŭ IT patencyjał vyšejšy, čym u tradycyjnych halin ekanomiki. «U IT praktyčna niama syraviny, u hetym pieravaha, heta krynica niezaležnaści, mahčymaści prymać rašeńni. Mazhi — heta toje, u što siońnia varta ŭkładvać hrošy», — padkreśliŭ jon.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary