Cikavym uspaminam padzialiŭsia ŭ svaim fejsbuku žurnalist Dzimtryj Hurnievič.
Heta było i pieršaje ałkaholnaje atručvańnie i paraza ŭ šoŭ-biznesie. Mo 2004 hod. Nahadaŭ hety ŭspamin raspad «Kramy» ŭ składzie, jaki ja viedaŭ i lubiŭ. Asabistaja drama i deža viu. Hety ŭspamin niekali nahaniaŭ na mianie strach, a ciapier hreje serca, što choć tak było. Ja byŭ adnym z arhanizataraŭ pieršaha i, zdajecca, apošniaha kancertu «Kramy» ŭ Varšavie. Takoje niemahčyma zabyć.
My ź siabrami vyrašyli zładzić ich vystup prosta tamu, što vielmi lubili «Kramu» i chacieli sami pasłuchać, i inšym pakazać. Ale heta kaštavała niamała. Ja byŭ studentam, ale akurat paśla pieršaj pajezdki ŭ ZŠA na letni zarobak. Ukłaŭ u heta, zdajecca, 700 dalaraŭ. Spadziavaŭsia, što vierniecca. My damovilisia ź vielmi krutym kłubam u samym centry horadu, sami razdavali ŭlotki na vulicy, reklamavali, navat u adnoj z hazetaŭ artykuł źmiaścili, vykanali ŭsie ŭmovy muzykaŭ. I voś my staim u toj dzień, čakajem natoŭpaŭ, ja navat kaścium adzieŭ. A idzie davoli redzieńki natoŭp, u vyniku ŭ klub nabiłasia bolš za 100 čałaviek. My čakali sotniaŭ.
Stres ja i jašče adna arhanizatarka, žonka inšaha arhanizatara, zdymali, nazaviem heta, kaktejlem. Źniali my jaho efiektna. «Kaktejla» nie było šmat, abo atručańnie, abo niechta suročyŭ. Siabry mianie evakuavali na taksoŭcy dachaty. Uzhadvaju tolki słovy taksista, jaki mianie pabačyŭ «O, ku…va, panie, niakiepskaja impreza była». Siarod nočy mianie razbudzili huki pieramovaŭ taksistaŭ. «Jade na Žolibož, pšyjmuje źlecenie». Matka Boska, dzie ja? Nie, ja byŭ doma. Heta byli ŭklučanyja racyi ŭ plecaku, pa jakich my musili pieramaŭlacca, kab natoŭp, tysiačy i tysiačy, uvachodziačy, nie źniščyli kłub. Racyja ŭvajšła na častatu taksi. Ja tak lažaŭ chiba 3 hadziny, słuchaŭ ich pieramovy i škadavaŭ, što žyvu.
Paraza była nia tolki ŭ tym, što ja viarnuŭ usiaho 300 dalaraŭ. Ja nie pačuŭ i nie ŭbačyŭ tady «Kramu». Ujavicie, vy płocicie za kvitok na kancert 400 dalaraŭ i vas nieŭzabavie taksoŭkaj advoziać dadomu. Kryŭdna, praŭda? I voś ciapier kryŭdna hetak ža, jak i tady.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»23
Kamientary