«Niekatorymi našymi historykami pavinien zajmacca KDB». Kraŭcevič adkazvaje Marzaluku
Prapanovy historyka Ihara Marzaluka pa farmiravańni «patryjatyčnaha staŭleńnia da Ajčyny» historyk Aleś Kraŭcevič na Biełsacie nazvaŭ «bałbatnioju».
Doktar histaryčnych navuk, deputat Pałaty pradstaŭnikoŭ Ihar Marzaluk u tekście «Jak pabudavać cytadel praŭdy», apublikavanym u haziecie «SB. Biełaruś siehodnia», zajaviŭ, što «vyvučeńnie ajčynnaj historyi źjaŭlajecca adnym z hałoŭnych pryjarytetaŭ dziaržaŭnaj palityki», dy prapanavaŭ uvieści ŭ biełaruskich univiersitetach kurs «Historyja dziaržaŭnaści».
Čytajcie taksama:
Marzaluk: Nieabchodna stvaryć Instytut nacyjanalnaj pamiaci, kab adsočvać histaryčnuju palityku susiedziaŭ i apanientaŭ
Taksama Marzaluk prapanuje pravieści Kanhres biełaruskich historykaŭ — z pryciahnieńniem usich najvažniejšych daśledčykaŭ našaj krainy.
Na dumku Alesia Kraŭceviča, hetyja idei słušnyja, ale realizavać ich u siońniašniaj Biełarusi niemahčyma, bo ŭ asnovie kansensusu biełaruskich historykaŭ pavinny być nacyjanalnyja intaresy našaha naroda, a ŭ biełaruskich vučelniach pracujuć niekatoryja śpiecyjalisty, pohlady jakich z hetym nacyjanalnym intaresam nie supadajuć.
«U Niamieččynie zabaroniena chvalić Hitlera — heta kryminalna karajecca. A ŭ Haradzienskim univiersitecie moža być tak, što prafiesar pracuje 40 hadoŭ, jeść biełaruski chleb i vystupaje suprać biełaruskaj dziaržaŭnaści ŭ historyi. Tak nie pavinna być. Im pavinien zajmacca KDB — za dziejnaść suprać biełaruskaj dziaržavy, — zajaŭlaje Kraŭcevič. — Takoha niemahčyma ŭjavić sabie ŭ Litvie, uva Ukrainie, u Polščy: tam jość kansensus — nacyjanalnyja intaresy. A ŭ nas častka aficyjoznych historykaŭ pracuje z punktu hledžańnia intaresaŭ inšaha naroda — Rasiei. Heta niedapuščalna. Heta pavinna spyniacca navat kryminalnym pieraśledam».
Pryčynu źjaŭleńnia tekstu Marzaluka Kraŭcevič bačyć u tym, što aficyjoznyja historyki pačynajuć prajhravać niezaležnym navukoŭcam.
Surazmoŭca «Biełsata» pryznajecca, što na prapanovu z boku dziaržavy ŭziać udzieł u raspracoŭcy ahulnaj kancepcyi biełaruskaj historyi jon by pahadziŭsia.
«Biełaruś — naša kraina. Hetaja ŭłada abaviazanaja na nas pracavać, — zajaŭlaje Kraŭcevič. — Kali dziakujučy hetym damovam mnie ŭdasca vymusić nadrukavać sapraŭdy biełaruski padručnik, kali ŭdasca pastavić pomnik Kaściušku abo Kalinoŭskamu, kali ŭdasca prybrać pomnik Kalininu — ja na heta pajdu».
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary