Alaksandr Łukašenka daručyŭ uradu, abłvykankamam i Minskamu harvykankamu pierahledzieć prahramy žyllovaha budaŭnictva, maksimalna pavialičyŭšy dolu arendnaha žylla z pryciahnieńniem finansaŭ pradpryjemstvaŭ i arhanizacyj, piša BiełTA.
Adpaviednuju zadaču jon pastaviŭ siońnia na respublikanskim sieminary-naradzie ab pavyšeńni efiektyŭnaści budaŭničaha kompleksu Biełarusi.
Kiraŭnik dziaržavy adznačyŭ, što rynak arendnaha žylla ŭ Biełarusi pakul raźvivajecca pavolnymi tempami. Za šeść hadoŭ jaho ŭviedziena tolki 745 tys. kv.m, što składaje dva z pałovaj pracenty ad ahulnaha abjomu. Dla prykładu, u Hiermanii heta 58%, a ŭ Šviejcaryi — 71%.
«Jak pakazvaje praktyka, u nas jano vielmi zapatrabavana. Tolki ŭ Minsku na adnu takuju kvateru 150 i bolš žadajučych. Raźvićcio rynku arendnaha žylla nieabchodna i dla vyrašeńnia pytańniaŭ pracoŭnaj mihracyi», - zajaviŭ Alaksandr Łukašenka.
Pavodle jaho słoŭ, budaŭnictva takoha žylla taksama budzie spryjać pryciahnieńniu maładych śpiecyjalistaŭ u małyja i siarednija harady Biełarusi. «Pry hetym najbolš aktyŭna treba budavać tam, dzie jość pierśpiektyvy, raźvivajecca pramysłovaść. Naprykład, jak heta robicca ŭ Astraŭcy», - dadaŭ biełaruski lider.-
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB18
Kamientary