Аляксандр Лукашэнка даручыў ураду, аблвыканкамам і Мінскаму гарвыканкаму перагледзець праграмы жыллёвага будаўніцтва, максімальна павялічыўшы долю арэнднага жылля з прыцягненнем фінансаў прадпрыемстваў і арганізацый, піша БелТА.
Адпаведную задачу ён паставіў сёння на рэспубліканскім семінары-нарадзе аб павышэнні эфектыўнасці будаўнічага комплексу Беларусі.
Кіраўнік дзяржавы адзначыў, што рынак арэнднага жылля ў Беларусі пакуль развіваецца павольнымі тэмпамі. За шэсць гадоў яго ўведзена толькі 745 тыс. кв.м, што складае два з паловай працэнты ад агульнага аб'ёму. Для прыкладу, у Германіі гэта 58%, а ў Швейцарыі — 71%.
«Як паказвае практыка, у нас яно вельмі запатрабавана. Толькі ў Мінску на адну такую кватэру 150 і больш жадаючых. Развіццё рынку арэнднага жылля неабходна і для вырашэння пытанняў працоўнай міграцыі», - заявіў Аляксандр Лукашэнка.
Паводле яго слоў, будаўніцтва такога жылля таксама будзе спрыяць прыцягненню маладых спецыялістаў у малыя і сярэднія гарады Беларусі. «Пры гэтым найбольш актыўна трэба будаваць там, дзе ёсць перспектывы, развіваецца прамысловасць. Напрыклад, як гэта робіцца ў Астраўцы», - дадаў беларускі лідэр.-
Цяпер чытаюць
Закінутую сядзібу Багдановічаў пераробяць у буціковы гатэль ФОТЫ6
Каментары