Praz redkuju hienietyčnuju chvarobu 54-hadovaja žycharka Kanektykuta ŭžo pieraniesła niekalki ciažkich apieracyj.
54-hadovaja Facima Pieraz z Kanektykuta zajaviła, što praz redkaje zachvorvańnie vymušana pastajanna znachodzicca doma i navat u pachmurnaje nadvorje nie ryzykuje vychodzić na vulicu. Pieraz tłumačyć, što ź dziacinstva pakutuje ad pihmientnaj ksieradermy — spadčynnaje zachvorvańnie skury, simptomam jakoha źjaŭlajecca pavyšanaja adčuvalnaść da ultrafijaletu.
Žančyna adznačaje, što jarkaje soniečnaje śviatło litaralna «spalvaje» ŭsio cieła, vyklikajučy mocny bol pry i biez taho niaprostym stanie. Dla kožnaha vychadu z domu Facima Pieraz apranajecca ŭ ščylnuju vopratku, jakaja zakryvaje ŭsio cieła, i chavaje hałavu kapiušonam. Dla taho, kab uratavać skuru na tvary i vakoł vačej, žančyna vymušana nasić vialikija akulary ad sonca.
Z-za pavyšanaj adčuvalnaści sa skury Facimy Pieraz užo vydalili dziasiatki ačahoŭ raku skury, a ŭsio cieła praz rehularnyja ŭmiašańni chirurhaŭ pakryta bujnymi šnarami. Pry hetym sama žančyna zaŭvažaje, što niaścierpny bol joj moža dastaŭlać praktyčna lubaja krynica śviatła, niachaj heta budzie lampa abo naścienny śviacilnik.
Redkaja chvaroba źjaŭlajecca ŭ vyniku mutacyi. Białki, jakija reparujuć DNK chvoraha, pierachodziać u nieaktyŭny stan, i pry niaznačnym apramianieńni ultrafijaletam defiektnych malekuł DNK stanovicca značna bolš. Takija paškodžańni nazapašvajucca i z časam pryvodziać da raku skury. Vyvučanyja dva vidy parušeńniaŭ. U vyniku pry praciahłym uździejańni ultrafijaletu vyjaŭlajucca parušeńni pihmientacyi i arahavieńnie skury, atrafičnyja źmieny epidermisu i dystrafija vałoknaŭ pierachodziać u chraničny režym. Urešcie na asobnych učastkach skury pačynajecca kletkavaja atypija.
Kamientary