Litoŭskija deputaty chočuć abaviazać studentaŭ, vučobu jakich apłačvaje dziaržava, adpracavać u Litvie nie mienš za 3 hady na praciahu 10 hadoŭ, kali dziaržava daje im pracu pa śpiecyjalnaści, paviedamlaje Delfi.
Takuju papraŭku da zakona ab navučańni zarehistravali deputaty «Paradku i spraviadlivaści». U adpaviednaści z prajektam, «studenty, za navučańnie jakich u Litvie abo za miažoj płaciła dziaržava, paśla zakančeńnia vučoby abaviazany adpracavać u Litvie nie mienš za 3 hady na praciahu 10 hadoŭ paśla zakančeńnia VNU, kali dziaržava daje im mahčymaść pracavać pa śpiecyjalnaści, abo im daviadziecca viarnuć hrošy dziaržavie». Dziaržava harantuje studentam, kali jany dobra vučacca, biaspłatnaje navučańnie za košt dziaržbiudžetu.
«Byvajuć vypadki, kali student-biaspłatnik, skončyŭšy VNU, źjazdžaje za miažu i nie zastajecca ŭ Litvie, bo ŭ jaho niama matyvacyi, tak stvarajecca situacyja, pry jakoj za hrošy Litvy rychtujuć śpiecyjalistaŭ dla inšych krain», — adznačyli deputaty.
Pa ciapierašnim zakonie, studenty-biaspłatniki paśla zakančeńnia vučoby mohuć źjazdžać žyć i pracavać u lubuju krainu.
Ciapier čytajuć
Zahinuŭ biełaruski dobraachvotnik Alaksiej Łazaraŭ2
Kamientary