Pra heta jon zajaviŭ siońnia na sustrečy z kiraŭnikom Respubliki Karelija Arturam Parfienčykavym, piša BiełTA.
«Ja absalutna ŭpeŭnieny, kali nie budzie pieraškodaŭ, nam rasijskaha rynku nazaŭždy chopić. Bo Rasii jość što vyrablać, što karystajecca popytam na suśvietnych rynkach. Tamu treba zamiaščać hetuju pradukcyju», — zajaviŭ Alaksandr Łukašenka.
Jon dadaŭ, što ŭ apošni čas časta možna čuć pra toje, što Rasija zakryvaje pastaŭki toj ci inšaj biełaruskaj pradukcyi. «Zvyčajnaja kankurencyja», — padkreśliŭ jon.
Łukašenka zaznačyŭ, što Biełaruś paroj paprakajuć i ŭ dempinhu na rasijskim rynku — pastaŭkach bolš tannaj pradukcyi. «Ja časta kiraŭnikam Rasii kažu: vy skažycie, stvarycie kampaniju niejkuju bujnuju, i my praź jaje budziem pastaŭlać na ŭsiu Rasiju. My vam pastaŭlajem za rubiel, a vy pradavajcie za 10, kali ličycie, što rasijanie vielmi bahatyja. Heta značyć tut prosta idzie niesumlennaja kankurencyja. Sprava absalutna nie ŭ jakaści», - upeŭnieny kiraŭnik dziaržavy.
Alaksandr Łukašenka razam z hetym źviarnuŭ uvahu, što raz idzie ataka ŭ dačynieńni da biełaruskaj pradukcyi, pastaŭlena zadača dyviersifikavać rynki. «Heta aksijoma dla luboj dziaržavy. Nielha zamykacca navat na samuju siabroŭskuju i brackuju dziaržavu — adzin rynak, nie majučy inšych», - ličyć biełaruski lidar.
U hetym płanie Biełaruś imkniecca zbałansavać svoj ekspart, kab pastaŭlać prykładna pa traciny abjomaŭ na rasijski rynak, u Jeŭrasajuz, inšyja krainy. «Kali Rasija nadalej budzie pravodzić takuju palityku, my, viadoma, budziem vychodzić na inšyja rynki», — zajaviŭ jon.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary