U Dokšycach kala kaścioła Śviatoj Trojcy ŭstanoŭleny pomnik papu rymskamu Janu Paŭłu II. Uračystaje nabaženstva i aśviačeńnie manumienta adbyłosia 13 śniežnia.
Jak paviedamili BiełaPAN u Viciebskaj jeparchii rymska-katalickaj carkvy ŭ Biełarusi, pomnik vyšynioj pryblizna dva z pałovaj mietry staŭ padarunkam polskich katolikaŭ. Na došcy z čyrvonaha hranitu vyjaŭleny hierb Jana Paŭła II, jaho imia na polskaj i biełaruskaj movach, hady žyćcia (1920—2005).
Heta ŭžo čaćviorty pa liku pomnik pantyfiku, ustanoŭleny ŭ 2008 hodzie ŭ Viciebskaj vobłaści. Ich adkryćcio prymierkavana da pamiatnaj daty — 30-hodździa z momantu abrańnia Jana Paŭła II na prastoł u Rymie. U vieraśni manumienty ŭ jaho honar byli adkryty ŭ Viciebsku, Miorach i Šumilinie.
Pieršy ŭ Biełarusi pomnik pantyfiku źjaviŭsia taksama ŭ Viciebskaj vobłaści — pierad centralnymi varotami kaścioła śviatoj Hanny ŭ vioscy Mosar Hłybockaha rajona 15 žniŭnia 2005 hoda, praź niekatory čas paśla śmierci Jana Paŭła II. A ŭ vioscy Łučaj Pastaŭskaha rajona ŭ červieni hetaha hoda adkryŭsia pomnik dziejnamu kiraŭniku katalickaj carkvy, papu rymskamu Bieniadziktu XVI.
Kamientary