Siarednieterminovyja pierśpiektyvy rostu ekanomiki Biełarusi pry adsutnaści rašučych strukturnych reformaŭ abmiežavanyja, na ich adbivajucca niespryjalnyja demahrafičnyja faktary i słaby rost pradukcyjnaści.
Pra heta havorycca ŭ raspaŭsiudžanym 18 studzienia zaklučeńni Vykanaŭčaj rady Mižnarodnaha valutnaha fondu, jaki zaviaršyŭ štohadovyja kansultacyi ź Biełaruśsiu ŭ adpaviednasci z Artykułam IV, piša Tut.by.
«U hetych umovach čakajecca, što siarednieterminovy rost składzie 2%, što abmiažuje zbližeńnie z ŭzroŭniami dachodaŭ bolš zamožnych susiednich krain», — havorycca ŭ spravazdačy. Pryčym navat hetyja ścipłyja prahnozy mahčymyja pry ŭmovie atrymańnia ad Rasii poŭnaj kampiensacyi za straty, vyklikanyja padatkovym manieŭram.
«Kali kampiensacyja budzie daloka nie poŭnaj (heta asnoŭnaja ryzyka dla ekanomiki Biełarusi, jakaja jość na dadzienym etapie), siarednieterminovy rost moža być istotna mienš za 2%, a deficytu biudžetu i rachunku biahučych apieracyj pieravysiać nazvanyja vyšej prahnazavanyja značeńni», — papiaredžvaje fond.
Ekśpierty adznačajuć, što cykličnaje adnaŭleńnie ekanomiki Biełarusi praciahvajecca, rost u pieršyja try kvartały 2018 hoda dasiahnuŭ 3,7%. Bolš vysokija ceny na naftu i salidny źniešni popyt spryjali ekspartu, tady jak ŭnutranamu popytu spryjali dvuchznačnyja tempy rostu zarobkaŭ.
Pavyšeńnie rostu impartu, u tym liku ŭ suviazi z budaŭnictvam AES, u svaju čarhu, pryviało da niekatoraha paharšeńnie pazicyi pa źniešnich rachunkach niahledziačy na stanoŭčyja ŭmovy handlu; tamu deficyt rachunku źniešnich biahučych apieracyj moža dasiahnuć 2,5% VUP u 2018 hodzie ŭ paraŭnańni z 1,6% u 2017 hodzie.
«Abačlivaja hrašova-kredytnaja palityka ŭ spałučeńni z pavyšeńniem davieru da centralnaha banku dazvalajuć utrymlivać inflacyju na histaryčna nizkich uzroŭniach (5 pracentaŭ u listapadzie ŭ paraŭnańni z tym ža pieryjadam papiaredniaha hoda) niahledziačy na chutki rost zarabotnaj płaty. Važna adznačyć, što abmienny kurs zastajecca adnosna stabilnym u naminalnym efiektyŭnym vyražeńni, što nazirajecca i ŭ častcy mižnarodnych reziervaŭ», — adznačajuć ekśpierty.
Ustojlivy źniešni popyt, bolš spryjalnyja ŭmovy handlu i pieraraźmierkavańnie impartnych pošlin u ramkach JEAES, pieravysiła čakańni i pryviało da pavieličeńnia biudžetnych dachodaŭ, jakija u 2018 hodzie ŭ paraŭnańni z 2017 hodam mohuć vyraści pryblizna na 0,75 pracentnaha punkta VUP. Adnak vydatki raśli jašče chutčej, asabliva kapitalnyja vydatki, a taksama zarpłata. U vyniku ahulny deficyt biudžetu, uklučajučy kvazifiskalnyja vydatki na dziaržaŭnyja pradpryjemstvy, moža dasiahnuć 1,3 pracenta VUP u 2018 hodzie ŭ paraŭnańni z 0,3 pracenta ŭ 2017 hodzie. Deficyt, jak čakajecca, budzie ŭmierana źnižacca ŭ siarednieterminovy pieryjad da 0,5% VUP, hałoŭnym čynam dziakujučy zaviaršeńniu budaŭnictva AES.
Vykanaŭčyja dyrektary adznačyli, što ŭ Biełarusi prysutničajuć ryzyki, źviazanyja z chutkim pavieličeńniem dziarždoŭhu, vysokaj dałaryzacyjaj i niavyznačanaściu adnosna niehatyŭnych źniešnich efiektaŭ novaj sistemy padatkaŭ na enierharesursy ŭ Rasii. Jany zaklikali aficyjnyja orhany krainy skarystacca ciapierašnim cykličnym adnaŭleńniem ekanamičnaha rostu i realizavać ŭsioabdymnyja miery makraekanamičnaj palityki i maštabnyja reformy, uklučajučy refarmavańnie dziaržaŭnych pradpryjemstvaŭ, u metach umacavańnia ustojlivaści ekanomiki i pavyšeńnia patencyjnaha rostu.
Dyrektary padkreślili nieabchodnaść dalejšaha źnižeńnia vysokaj stupieni dałaryzacyi, z tym kab praciahnuć ŭmacavańnie davieru da rubla. Jany taksama asabliva adznačyli, što raźvićcio ŭnutranych rynkaŭ kapitału stanie klučavym kampanientam paśpiachovaj dedałaryzacyi.
MVF nahadvaje, što ažyćciaŭleńnie strukturnych reformaŭ hraje klučavuju rolu ŭ skaračeńni makraekanamičnaj uraźlivaści i pavyšeńni patencyjału rostu. Jany zaklikali da ŭsioabdymnaha refarmavańnia dziaržpradpryjemstvaŭ za košt praviadzieńnia płanamiernaj acenki ich žyćciazdolnaści na asnovie analizu ryzyk i nastupnaj raspracoŭki praktyčnaha płana, jaki pasłužyć asnovaj dla restrukturyzacyi. Akramia taho, dyrektary adznačyli nieabchodnaść umacavańnia sistemy sacyjalnaj abarony, z tym kab źmiakčyć nastupstvy restrukturyzacyi dla uraźlivych hrup nasielnictva.
Asobna padkreślena, što sadziejničańnie dziejnaści pryvatnaha siektara za košt palapšeńnia dziełavoha klimatu i stvareńnia roŭnych umoŭ haspadarańnia taksama budzie mieć važnaje značeńnie.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary