U rasijskich ananimnych telehram-kanałach pačała źjaŭlacca infarmacyja, što nibyta nastupnym asiarodkam vajny stanie Tadžykistan. Jany źviazvajuć heta z vybucham doma ŭ Mahnitahorsku.
Telehram-kanał «Niezyhaŕ» piša, što vybuch doma ŭ Mahnitahorsku byŭ źviazany nie z bytavym hazam (jak śćviardžaje aficyjnaja viersija). Maŭlaŭ, heta była terarystyčnaja ataka.
Pavodle krynic «Niezyharia», terakt ździejśnili vychadcy z tadžykskich haradoŭ Kulab i Kurhan-Ciubie.
Ciapier rasijskimi siłavikami nibyta adpracoŭvajucca viersii pierasiačeńnia intaresaŭ kłanavych hrup — «badachšancaŭ» i afhanskaj hrupy «Paŭnočny aljans».
«Pavodle apieratyŭnych danych, na poŭnačy Afhanistana ŭtvaryłasia mahutnaja terarystyčnaja hrupoŭka — chaŭruśnik «isłamskaj dziaržavy» šyickaha tołku. Kolkaściu 12—15 tysiač čałaviek»,
— piša «Niezyhaŕ».
Meta hetaj hrupoŭki — Tadžykistan, zachop pradpryjemstvaŭ z katehoryi «Zarafšan» (zdabyča zołata), Rahunskaj i Nurekskaj HES, z vychadam na Kazachstan u rajon naftavych radoviščaŭ.
Kanał paviedamlaje, što terminy pačatku vajny nieviadomyja, ale pahroza realnaja.
Havorka moža iści pra raźviazvańnie novaj hramadzianskaj vajny ŭ Tadžykistanie albo stvareńnie novaj «Isłamskaj dziaržavy» na sumiežnych terytoryjach Tadžykistana, Afhanistana i Kitaja. Terytoryi hetyja bahatyja na uran i kaštoŭnyja kamiani.
U svaju čarhu kanał «Piar vo vriemia čumy» piša, što abvastreńnie ŭ Afhanistanie i Tadžykistanie budzie vyklikana dziejańniami Zachadu — heta nibyta reakcyja na pahadnieńnie pa statusie Kaśpija, jakoje było padpisana letaś.
Pra imavierny novy kanflikt piša i kanał «Kriemlovskij biezBašieńnik». Ananimnyja krynicy kanała ŭ siłavych strukturach prahnazujuć: usio moža pačacca paśla zaviaršeńnia farmiravańnia prykładna 50 udarnych sunickich bataljonaŭ, jakija rušać na Siaredniuju Aziju adnačasova z 20 bataljonami šyitaŭ.
Pra hetuju pahrozu, jakaja idzie z boku Afhanistana, pa linii HRU i inšych rasijskich śpiecsłužbaŭ kiraŭnictvu Rasii dakładvajuć užo nie pieršy hod, piša kanał.
Infarmacyja ŭ rasijskich palityčnych telehram-kanałach časta publikujecca ad ananimnych krynic i patrabuje dadatkovaha paćviardžeńnia. Časta rasijskija telehram-kanały publikujuć adkrytaje tryźnieńnie, tamu stavicca da takoj infarmacyi treba krytyčna.
Čytajcie taksama:
Tryźnieńnie «Niazyhara» nie spynić: Paźniak i Makiej patajemna dapamahajuć adzin adnamu
Rasijski TASS zapuściŭ kačku, što ŭ Łukašenki insult, a paśla apublikavaŭ abviaržeńnie
-
«Vialikabrytanija pavinna vykupić Amieryku nazad». Brytanski žurnalist patroliŭ Trampa
-
Tramp patrabuje pa miljardzie dołaraŭ ad krain za pastajannaje členstva ŭ Radzie miru, jakuju jon stvaraje. Staršynioj budzie jon sam
-
«Make America Go Away». Dziasiatki tysiač ludziej u Hrenłandyi i Danii vyjšli na akcyi suprać ZŠA
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy11
Kamientary