Rasijski prezident Uładzimir Pucin raspavioŭ, jakim budzie adkaz na raźmiaščeńnie ZŠA ŭ Jeŭropie rakiet. Pra heta jon paviedamiŭ padčas štohadovaha pasłańnia Fiederalnamu schodu.
Pavodle jaho słoŭ, miery buduć «lusterkavymi» i «asimietryčnymi».
Kiraŭnik rasijskaj dziaržavy zajaviŭ, što Rasija budzie stvarać i raźmiaščać vidy ŭzbrajeńniaŭ, jakija mohuć być vykarystany nie tolki na terytoryi, z boku jakoj zychodzić pahroza, ale i tam, dzie buduć znachodzicca centry pryniaćcia rašeńniaŭ ab užyvańni rakietnych kompleksaŭ.
«Realizujem (hetyja miery) nieadkładna», — padkreśliŭ Pucin.
Jon taksama paraiŭ amierykanskim partnioram «pakinuć iluzii».
Pavodle jaho słoŭ, mnohija krainy vypuskali rakiety siaredniaj i mienšaj dalokaści, a Rasija i ZŠA — nie.
«Treba było dziejničać pa-sumlennamu, a ZŠA sami parušajuć, a potym jašče i z damovy vyjšli. A satelity amierykancaŭ im «padrochkvajuć», - adznačyŭ Pucin.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary