Kampanija Apple abviaściła pra tradycyjnuju viasnovuju prezientacyju, jakaja adbudziecca ŭ 10:00 pa miascovym časie (20.00 minsk) 25 sakavika ŭ Teatry Styva Džobsa ŭ Kupiercina (Kalifornija). Słohan mierapryjemstva — It's show time («Pryjšoŭ čas šou»).
U zaprašeńni kampanija nie raskryła asnoŭnuju sutnaść mierapryjemstva, adnak, pa dadzienych krynic Reuters, na prezientacyi čakajecca pakaz novaha tele- i videaservisu. Krynicy ŭdakładnili, što Apple maje namier u krasaviku hetaha hoda zapuścić firmovy videaservis, jaki, vierahodna, budzie ŭklučać TB-padpisku.
Jak paviedamiła ahienctva, kampanija ŭžo daŭno namiakaje na novy servis, traciačy $ 2 młrd u Halivudzie na vytvorčaść ułasnaha kantentu i na kantrakty z suśvietnymi zorkami. Krynicy Reuters zajavili, što z dapamohaj videaservisu Apple taksama zmoža pierapradavać padpiski na kantent teleradyjosietki CBS, miedyjakanhłamierata Viacom i kanała Starz, jaki ŭvachodzić u miedyjakampaniju Lions Gate Entertainment Corp.
Čakajecca, što novy TB - i videaservis budzie zapuščany va ŭsim śviecie i stvoryć kankurencyju Netflix i Amazon.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary