Pamior biełaruskamoŭny pravasłaŭny śviatar Andrej Parfienčyk. Iryna Chalip: Jon zabiaśpiečvaŭ nas sadavinoj i harodninaj, kali moj muž byŭ źniavoleny
Ad ciažkaj, nievylečnaj chvaroby zusim maładym pamior biełaruskamoŭny pravasłaŭny śviatar Andrej Parfienčyk. Jamu nie było jašče i saraka. Jon słužyŭ nastajacielem prychoda sv. Alaksandra Kamanskaha ŭ Palerma (Italija), a pierad tym — 9 hadoŭ byŭ nastajacielem u Klecku. Jon byŭ rodam ź Minsku i naležaŭ da plejady maładych śviataroŭ, jakaja vyrasła ŭžo ŭ niezaležnaj Biełarusi i daražyła svajoj biełaruskaściu.
Vosieńniu 2018 hoda italjanskija daktary pastavili ajcu Andreju dyjahnaz — adenakarcynoma ŭ padstraŭnikavaj załozie, 4-ja stadyja. Daktary zrabili ŭsio mahčymaje, kab zachavać śviataru žyćcio, ale apošnim časam mahli tolki palahčać pakuty chvoraha. Siamja Andreja Parfienčyka vyrašyła pieravieźci jaho na radzimu, u Biełaruś, kab praciahnuć lačeńnie ŭ respublikanskim ankałahičnym centry ŭ Baraŭlanach. Pieravozka kaštavała 5000 jeŭra. Italjanskaja miedycynskaja strachoŭka nie mahła pakryć vydatki, a mahčymaści aformić biełaruskuju strachoŭku ŭžo nie było.
Fota z fejsbuka pravasłaŭnaj hramady Palerma.
Patrebnuju sumu sabrali za piać dzion. 1 sakavika ajciec Andrej viarnuŭsia ŭ Minsk, ale pražyŭ niadoŭha.
Iryna Chalip pisała tydzień tamu ŭ svaim fejsbuku: «Siabry, ja chaču paprasić u vas dapamohi vielmi dobramu čałavieku. Jaho zavuć Andrej Parfienčyk. Ajciec Andrej. Kali my paznajomilisia, jon byŭ nastajacielem parafii ŭ Klecku. Było leta 2011 hoda, mianie tolki vypuścili z-pad varty, muža etapavali ŭ kałoniju. I niejak viečaram mnie patelefanavaŭ ajciec Andrej. Ja spačatku nie mahła zrazumieć, navošta spatrebiłasia kleckamu śviataru, kali nie maju dačynieńnia da pravasłaŭja. A jon telefanavaŭ prosta padtrymać. jon maliŭsia za palitviaźniaŭ razam sa svaimi prychadžanami ŭ chramie. Pryvoziŭ mnie fiermierskuju harodninu i sadavinu ad svaich prychadžan. Paśla našych viečarovych telefonnych razmovaŭ ja razumieła, što ŭ mianie źjaviŭsia vydatny siabar, jaki dobraachvotna ŭziaŭ na siabie jašče i funkcyju psichaterapieŭta. Bieź jaho mnie było b značna ciažej spravicca z tahačasnym kašmaram».
-
Śviatłana Cichanoŭskaja paviedamiła litoŭskim parłamientaryjam pra rašeńnie pierajechać u Polšču
-
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy
-
«Ja — jak supiervumien». Jak byłaja biblijatekarka pracuje prybiralščycaj u Biełastoku — jak spraŭlajecca i kolki zarablaje
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy1
Kamientary