Niepradkazalnaść prezidenckich vybaraŭ va Ukrainie tryvožyć jeŭrapiejskich partnioraŭ, jakija aścierahajucca, što vyniki hałasavańnia mohuć pryvieści da zapavoleńnia reformaŭ, na jakija ŭžo zmarnavana stolki času i srodkaŭ. Pra heta sa spasyłkaj na zachodnich dypłamataŭ paviedamlaje ahienctva Reuters
Na ich dumku, na siońnia vybary źvialisia da baraćby pamiž Piatrom Parašenkam, Julijaj Cimašenka i Uładzimiram Zialenskim.
«My, viadoma, viedajem, što atrymajem pry Parašenku. My miarkujem, što viedajem, što atrymajem pry Cimašenka. Pry Zialenskim — nie majem ujaŭleńnia», — zajaviŭ adzin z dypłamataŭ.
«U Parašenki vielmi vyraznaja pazicyja, sama mieniej, na papiery, jana zaklučajecca ŭ supraćstajańni Rasii i prytrymlivańni prajeŭrapiejskich pohladaŭ. Jon nie idealny, ale my jaho viedajem, my ź im pracavali», — adznačaje jašče adzin jeŭrapiejski dypłamat.
Siarod zasłuh Parašenki ŭspaminajuć zachavańnie Ukrainy paśla anieksii Kryma Rasijaj i ŭmacavańnie armii, praviadzieńnie reform, u pryvatnaści, u bankaŭskaj śfiery i ŭ enierhietycy. Adnak, piša aŭtar artykuła, u pytańni baraćby z karupcyjaj prezident zachras, i mnohija vybarščyki rasčaravanyja biespakaranaściu top-čynoŭnikaŭ, jakija papalisia na chabarnictvie.
U svaju čarhu kandydatura Zialenskaha, naadvarot, nieadnaznačnaja.
«Nielha čakać šmat čaho ad čałavieka bieź jakoha-niebudź palityčnaha vopytu. Jon vyhladaŭ całkam ščyrym, ale my možam mierkavać tolki pa vynikach», — adznačajuć u Brusieli.
Što tyčycca Cimašenka, to jana taksama vielmi supiarečlivy kandydat dla ES.
«Jana ŭ niekatoraj stupieni zhubiła vodblisk pakutnictva», — zajaviŭ adzin z dypłamataŭ.
U lubym vypadku, chto b ni staŭ prezidentam, adnym z mocnych bakoŭ vybaraŭ va Ukrainie ŭ vačach Zachadu źjaŭlajecca toje, što jany sapraŭdy kankurentnyja, u adroźnieńnie ad Rasii.
-
«My całkam razumiejem, jakaja tam dziaržava». Litoŭskija pieravozčyki nie źbirajucca padavać pazovy ŭ biełaruskija sudy praz zatrymanyja fury
-
Pierad apieracyjaj zachopu Madura Vatykan prasiŭ pra jahonuju evakuacyju ŭ Rasiju
-
U Madrydzie zakryli kitajski restaran, u jakim pad vyhladam kačak ludziej karmili hałubami
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy57
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary