Rasiejski forvard «Kałambus Blu Džekiets» Arciemij Panaryn raspavioŭ pra roźnicu mientalitetu žycharoŭ ZŠA i Rasii. Słovy spartsmiena pryvodzić Sports.ru.
«U ZŠA ludzi valniejšyja. Nie bajacca, što im niešta budzie za mierkavańnie», — adznačyŭ 27-hadovy Panaryn. Jon taksama padkreśliŭ, što staŭ bolš talerantnym u adnosinach da pradstaŭnikoŭ nietradycyjnaj seksualnaj aryjentacyi.
«Kali žyŭ u Rasii, naohuł inšaha mierkavańnia prytrymlivaŭsia — ćviordaha. Zaraz adnosiny značna lepšyja. U hetym hramadstvie žyvieš i lepš stavišsia. Nu, žyvuć ludzi svaim žyćciom — niachaj žyvuć», — zajaviŭ jon.
11 sakavika Panaryn padtrymaŭ mitynh za svabodny internet u Maskvie. «Jak možna nastolki bajacca ŭłasnych hramadzian? Chto što dumaje? Kudy kocimsia?» — napisaŭ jon u svaim Instagram pad fatahrafijaj ź mierapryjemstva.
Panaryn pierajechaŭ u ZŠA ŭ 2015 hodzie. Pieršym kłubam Nacyjanalnaj chakiejnaj lihi (NCHŁ) dla rasijanina staŭ «Čykaha Błekchoks». Z 2017-ha Panaryn abaraniaje kolery «Kałambusa».
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary