Z Redakcyjaj «Našaj Nivy» źviazaŭsia pradstaŭnik kramy «Biadronka». Nahadajem, mahazin z nazvaj, jakaja kalkuje polski brend, źjaviŭsia na vulicy Charkaŭskaj u Minsku.
U Minsku adkryvajecca mahazin «Biadronka» FOTAFAKT
Pradstaŭnik biełaruskaj «Biadronki» zastaŭsia niezadavoleny ŭvahaj da kramy. Pryvodzim jaho emacyjny manałoh.
«Dobry dzień! Heta hazieta «Naša Niva»? Skažycie, kali łaska, a chto takaja Julija Mickievič, možna daviedacca? Skažycie, a što, palaki adkryli kramu «Biadronka» na Charkaŭskaj?
Ja prosta ŭbačyŭ u internecie, što palaki adkryli kramu «Biadronka» na Charkaŭskaj. Heta ž vy ŭ net kidajecie takija abjavy, karcinki, ludzi stajać na hanku, adzin u sinim, druhi — u karyčnievym, miž saboj ciorki truć, blin. Davajcie nie budziem, što «adkryli kramu».
Tak, kramu adkryli, nazvu ŭziali z Polščy, dyk što, treba na ŭsiu krainu heta ahałošvać, blin, moža, jašče intervju pryjdziecie voźmiecie ŭ mianie?
Uvohule, krama jašče zakrytaja, voś u čym sprava, i nie treba adrazu na palakaŭ usio pieravodzić, blin. Pretenzija ŭ tym, što vy na ŭsiu Biełaruś abviaścili, što adkryłasia krama «Biadronka», a jana jašče nie adkryłasia. Jana jašče nie pracuje. Julii Mickievič pieradajcie vitańnie, blin.
Ja hladžu, vam niama čym zaniacca, blin, jak tolki łazić pa Minsku, blin: «O! U palakaŭ śpisali nazvu!»
Moža, jašče što, blin, prydumajecie? Kitajcy vypuskajuć viełasipiedy «Aist», čamu vy hetaha nie pamiatajecie? Usie kantory pradajuć viełasipiedy «Aist» kitajskija, čamu vy pra heta nie pišacie?
Nie pišacie vy nifiha, hłupstvam zajmajeciesia — voś i ŭsio, ščyra skažu. Pačynajecie ŭžo tut, blin! Usio, da sustrečy! Julii Mickievič pieradajcie pryvitańnie. Chaj zajmajecca spravaj, a nie hłupstvam roznym. Krama jašče nie pracuje, a vy ŭžo raźnieśli na ŭsiu Biełaruś. Heta nie kiepska, ale mnie heta nie padabajecca. Usio, da pabačeńnia!»
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary