Da 09:00 CVK Ukrainy padličyŭ bolš za 50% pratakołaŭ vybarčych kamisij. Uładzimir Zialenski zastajecca na pieršym miescy z 30,22% hałasoŭ, Piatro Parašenka nabiraje 16,63%, piša RBK.
Treciuju pazicyju ŭtrymlivaje lidar partyi «Baćkaŭščyna» Julija Cimašenka z papiarednimi vynikam u 13,08%. Mienš za dva adsotkaŭ jaje adździalaje ad lidara «apazicyjnaha błoka» Juryja Bojki (11,49%).
Zialenski lidziruje ŭ absalutnaj bolšaści rehijonaŭ krainy. Najbolšuju padtrymku, pa papiarednich dadzienych, jon atrymaŭ u Dnieprapiatroŭskaj vobłaści (44,9%). U dva razy mienš hałasoŭ jon atrymlivaje ŭ Vińnickaj vobłaści (22,12%), adnak hetaha akazałasia dastatkova, kab abahnać dziejučaha prezidenta.
U Vińnicy raźmieščany adzin z asnoŭnych biźnies-aktyvaŭ Piatra Parašenki — dźvie vytvorčyja placoŭki kandytarskaj kampanii Roshen i Vińnicki małočny zavod. Mienavita ad Vińnickaj vobłaści jon prajšoŭ u parłamient u 1998 hodzie, kali pačaŭ palityčnuju karjeru ŭ jakaści deputata Viarchoŭnaj Rady. U 2012 hodzie, kali Parašenka pakinuŭ pasadu ministra ekanamičnaha raźvićcia i syšoŭ z urada, jon zachavaŭ status palityka ŭ jakaści deputata ad Vińnickaj vobłaści.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!1
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary