ŚMI: U Sudanie adbyŭsia vajskovy pieravarot. Amar al-Bašyr, što kiravaŭ krainaj 25 hadoŭ, zrynuty
Armija Sudana ździejśniła ŭ krainie pieravarot. Pra heta paviedamlaje arabski telekanał «Al-Majadzin».
Vajskoŭcy vyrašyli źniać z usich pasadaŭ prezidenta Amara al-Bašyra i razahnać urad. Vajenny saviet rychtujecca ŭziać uładu ŭ krainie terminam na hod.
Prezidencki pałac akružany sałdatami i braniatechnikaj. Taksama vajennyja zachapili dziaržaŭnaje telebačańnie i radyjo Sudana, kala 06:00 prypynili viaščańnie. U efiry hučyć patryjatyčnaja muzyka.
Telekanał Al Hadath paźniej paviedamiŭ, što prezident al-Bašyr aryštavany.
Zaraz na vulicach stalicy znachodzicca vialikaja kolkaść vajskoŭcaŭ, hrupa vajskoŭcaŭ uvajšła ŭ budynak dziaržteleradyjokampanii ŭ druhim pa vieličyni horadzie Sudana Amdurmanie. Pa dadzienych Al-Hadath, kamandavańnie rychtujecca zrabić važnuju zajavu ŭ efiry, jaje abiacajuć raspaŭsiudzić u najbližejšy čas.
Staličny aeraport zakryty, aryštavany eks-ministr abarony krainy, dziejny hubiernatar pravincyi Chartum Abdel Rachim Machamied Chusiejn. Jość źviestki ab aryšcie achovy prezidenta i byłoha vice-prezidenta krainy Ali Asman Tacha.
مظاهر فرح الشعب السوداني ابتهاجاً بانتهاء حكم البشير pic.twitter.com/m2ci0hQQ6O
U kancy śniežnia minułaha hoda ŭ Sudanie pačalisia masavyja pratesty, pieršapačatkova mitynhoŭcy damahalisia źnižeńnia cenaŭ na chleb. Paśla aktyvisty stali patrabavać adstaŭki prezidenta krainy Amara al-Bašyra, jaki znachodzicca va ŭładzie z 1993 hoda. U siaredzinie lutaha kiraŭnik dziaržavy raspuściŭ Kabmin i ŭvioŭ u krainie režym nadzvyčajnaha stanovišča na hod.
-
Patryjarch Kirył maje padatkovy psieŭdanim Ivan Zacharavič Procharaŭ
-
«Nie na tym baku čałaviečnaści». Nietańjachu abvinavaciŭ lidaraŭ Brytanii, Francyi i Kanady ŭ zaachvočvańni CHAMAS
-
«My ŭsie ruskija». Deputat Dziaržaŭnaj dumy zajaviŭ, što meta vajny — stvaryć adzinuju dziaržavu Rasii, Biełarusi i Ukrainy
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia59
Kamientary